29th June, 2016
Edit

最多surprise的國家-冰島!(一)

每次我去旅行既所有行程基本上就係因應天氣同心情而定,咁樣既模式我覺得係最舒服。
我去旅行唔會寫晒成張紙咁長要幾點去到邊個地方咁。
旅行既方式因人而異,最緊要搵個岩你既旅伴啦。

今次歐遊一共去了三個星期,其中五日都在冰島。
每個人去完冰島都係正評,我都期待左幾年,終於到我去啦!
我去之前諗起冰島就係好多冰、北極光同埋blue lagoon。
其實你去完之後就會發現……

It is more than you expected!!!

 

冰島交通

我地選擇自駕遊,因為係最方便,d路又簡單易揸,基本上你有google map/gps就識行。
如果你唔自駕只可以去等巴士或join tour。等巴士就有排等,join tour就貴啦,自行決定吧。
要注意既係,冬天既冰島好多冰雪,如果自駕就好危險,所以冬天都唔可以自駕遊的。
租車就落機就見到幾個counter,好方便的。

我地一去到冰島就去租車,仲要包埋wifi egg,sim卡都唔使買,實在太方便了。
(如果你要買sim卡的話,係落機個個supermarket買就可以。)
而租車reception嗰個人一知 道我地係香港人,就話佢都好留意香港新聞。
佢會係咁問:點解香港人唔爭氣點?點解97年英國要遺棄香港?等等等等。
窩心的不只於他的問題,而是原來世界各 地都有人很關心香港的!

冰島貨幣

冰島既貨幣係冰島克朗(kr)。
兌港幣係好似日元咁(我去個陣係2016年6月頭),大約兌6.4(而家日元匯率就不要再說了……)。
所以成個旅行我地都係講「呢個磁石xxxYen炸」,好方便又好亂黎哈哈。

 

冰島天氣

冬天既冰島滿佈冰雪就唔使多講啦。
夏天既冰島係幾舒服,我去個幾日就係7度-14度,涼涼地,有時就大風,有太陽既時候除褸都得。
其實最怕就係落雨,因為好多自然景色都係好天先靚,好彩今次都係第一日先落雨炸。
羽絨就一定要帶,至於怕凍既朋友,可以買定暖包過去。

 

冰島景點

今次既冰島五日遊都只係圍繞住首都雷克雅維克(Reykjavík),西南部。
北部既景點就無緣了……(比個藉口自己再去!haha)
冰島既景點黎黎去去都係個幾個,但全部都會令你嘆為觀止!全部都係自然景觀。
我覺得最好既係大部分景點都唔使入埸費(可能係因為未develop得好)。
過多十年就唔知了,因為有幾個景點都開始起緊酒店、鋪頭同埋旅遊區。

真正內容下回分解!


Comments