2nd April, 2016
Edit

築地除了壽司大,仲有咩係必吃?

講到日本美食點少得築地?
上年去東京時已試過排三個半鐘食壽司大,
雖然真係好鮮甜好新鮮,但要等咁耐真係可一不可再!
今次黎到築地既目標就係想試海鮮丼。
由於酒店好近築地,所以我去左兩日築地食早餐。
第一日就試「北海番屋」。
呢間一半黎既客人都係香港人,同埋都幾多人要排隊。

我今次就揀左全海膽飯黎食,成為¥2900。
一黎到時好興奮,每啖飯都有海膽伴,好幸福的感覺。
但食到最尾原來會覺得too much,
同埋因為成碗飯都係得一隻味,海膽又軟身(個人覺得口感問題),
所以有點兒反胃同埋吃不下去既感覺。
(有時有d野真係小食多滋味…….)
可能…..係因為等入去時為食去左買小食吧!

店名就已經忘記了,但當你由築地市埸行去北海番屋時,
你會見到街頭每人唔係拎住玉子燒,就係貝殼海鮮小食。
然後你見還掂都要等,咁不如食埋先。
成碟海鮮包羅萬有,有蠔、扇貝、拖羅、蟹腳、燒海膽、八爪魚。
粒扇貝大粒到佢一粒剪開四份添!食完d汁飲埋都仲得。
咁多野食都只係¥1000!

第二日就去左食「鮨國」。
其實佢就係北海番屋隔離,所以都唔難搵。
經過前一日教訓後,食呢餐之前無食小食。
鮨國比較細間,得25個位,所以都係要等。
今次醒目左,揀左海膽加海鮮既海鮮丼,
有海膽、兩隻甜蝦、拖羅、魚(我忘記了是什麼魚)、凡立貝、玉子,
要成¥3400(都要港幣$238,¥100=$7),鮨國比北海番屋貴少少。
而鮨國既全海膽飯要¥3800,比起北海番屋足足貴¥900。
食落去又有咩分別呢?
鮨國既海膽係的確比較鮮甜,好似新鮮d咁,
d魚刺身表面有層油,相信就係健康的omega 3!
但其實個人認為北海番屋已經不錯,留返d錢去食小食好過哈哈。

食完野就當然要行下、買下手信。
係等緊北海番屋時,隔離鋪sell緊乾紫菜。
我未試個陣心諗:有咩咁特別?
但佢只係用佢既紫菜加熱水就變成好好味既紫菜湯!
佢有個魅力就係你想飲完再飲,紫菜既香味溶晒係熱水度,
真係只係加熱水就咁好飲,夠晒天然。
食紫菜既好處唔使講吧,低熱量高營養應該係人都知。
呢間野個名叫「鳩屋」,兩大包都只係¥1000。

 

另外,想介紹一個網址比大家,
佢係類似香港的openrice一樣,可以睇日本人評價邊間餐廳好食d,
可以作個參考:
http://tabelog.com/en/

 


Comments