2nd June, 2017
Edit

天然有機防曬@COOLA防曬

認識COOLA呢個品牌係因為有年去Slide the City活動將防曬鎖左入Locker,好在會場有COOLA免費幫人噴防曬,拯救左我唔洗變炭XD

今次黎到Coola SPF Party,認識多D呢個品牌。

COOLA黎自一個位於陽光充沛嘅地方 – 美國聖地亞哥嘅有機及天然防曬品牌,創辦人Chris Birchby,因為家人皮膚受到太陽中有害射線破壞患上黑色素瘤,決心創立專業防曬產品。加上Chris本身是生態環境研究專家,十分清楚石油化工產品對肌膚和生態可能造成的危害。因此,從成份到包材,都講究Turn Red Into Green 的理念,盡可能的友善地球。除了堅持使用美國本地有機原料,減少運輸對環境的傷害。不做動物測試,使用無毒油墨的環保包材。

COOLA既產品均有70%+有機認證,採用有機、可持續提取及本地開採嘅成份去製造護膚產品,在提供強效保護同時細心地舒緩及滋潤您嘅皮膚,提倡綠色生活之餘又不失奢華感覺。

今次帶黎兩款新產品,一年四季都岩用。

♥ 完美絲滑礦物底霜 SPF30

♥ 逆齡玫瑰保濕調色霜SPF30

市面上有咁多唔同種類嘅防曬產品,化學防曬品大多含有氧苯酮,會破壞人類同埋動物激素,而化學物殘留喺皮膚上亦會堵塞毛孔,對皮膚造成敏感和刺激。

議最好用返有機礦物防曬霜,特別係含有氧化鋅的礦物防曬,有助於平靜刺激,特別適合敏感皮膚人仕使用。由於有機物理防曬成分天然,不含對胺基安息香酸、苯甲酸酯類、石油或鄰苯二甲酸等化學物質,唔會對身體或環境帶來傷害及負擔,即使去海裡游水亦可放心使用。

♥ 完美絲滑礦物底霜 SPF30 (HK$495/ 30ml) *可持續40分鐘有效防水

唔係淨係夏天,其實我地一年四季都要做好防曬,因為陽光係日日都係到架,不過夏天就可以再加強D咁解。

如果你好似我咁每日都會化妝既話,呢枝完美絲滑礦物底霜就岩哂啦,無論咩情況都可以幫肌膚打定個底。

採用特別技術,加入植物幹細胞成份,金銀花、白百合、鳶尾幹細胞的複合物防曬同時活化肌膚,減輕肌膚對護膚品的負荷。做到改善膚質,24小時保濕,而且清爽不黏,春、夏季都唔會油笠笠,秋冬亦唔怕乾爭爭。

質感非常水潤清爽,絲綢般柔滑,邊推邊化成細滑粉末狀,填平毛孔、細紋,即時提升肌膚質素,仲有輕微均勻膚色既效果。

加上天然有機,仲有埋防曬功效,非常推薦既底霜產品。

♥ 逆齡玫瑰保濕調色霜SPF30 (HK$595/ 44ml)

特別因應亞洲人膚色調製既Light色號,具有防曬效果既有機BB Cream,以天然玫瑰萃取防護因子,有效維持肌膚彈性,撫平細紋,恢復肌膚健康光彩。

一唧出黎已經聞到淡淡既玫瑰花香,質地水潤柔滑,同肌膚既溶合度非常好。

不含防腐成分羥基苯甲酸鹽Paraben/ Non GMO/ Vegan 適用。

睇下呢個小測試,將COOLA 既BB Cream同另一個不知名品牌既BB Cream唧落玻璃水杯,再輕輕搖勻。

COOLA既BB Cream有80分鐘防水功效,只有一層貼係玻璃杯邊,而不知名品牌既BB Cream既玻璃杯邊已經污糟哂。

直接搽上面,直接用手指推開既效果已經非常均勻貼服,修飾效果非常自然,亦唔會出現死白、變灰等既狀況。

另外,活動當日呢枝有色防曬礦物潤唇膏亦非常吸引,運用左天然礦物防曬粉體,阻隔紫外線傷害,並以天然礦石為天然顏料,創造自然色澤,營造如貝殼般低調迷人的光澤。

仲可以當成胭脂膏用,輕輕隨手一抹,防曬,滋養,潤色,仲有淡淡香氣。

今次有機會更深入認識COOLA呢個品牌,鐘意佢既品牌理念,從包裝到產品都奉行綠色主意,而且出品亦非常高質,好值得大家留意既一個品牌。

「產品及有關資料由品牌提供」


Comments