8th May, 2016
Edit

性感NG…>.<隨性感妝@YSL Beauté

YSL Beauté 向來都充滿女性味,但2016夏季彩妝系列以 「色彩的公路之旅」 為靈感,SAVAGE ESCAPE做主題,打造出極致性感的Summer look。

 

沒有華麗服飾,簡單直接的自然妝容,散發出淡淡的女性味道,卻帶出酷酷的氣息。

一齊試下以剛柔並重既女性姿態現身,把煩複既彩妝步驟簡化,好好享受自由既空氣。

性感我就應該性感不起來,但今次就黎個隨性感妝啦XD

 

FULL METAL SHADOW 限量版高亮度金屬眼影液 N11 Bonnie Copper

充滿金屬味道既Copper色,同等份量的高色素水感眼影液,色彩飽和度極高,推開就能輕鬆做出漸層效果,加上16小時長效定妝,免卻補妝既煩惱。

 
事先已經打底了一下,輪廓鼻影故意重手一點,畢竟面圓圓的,好難帶出隨性感XD
用眼影液既塗搽棒輕輕一點,已經夠推開我成隻豆豉眼用了,上色度很不錯,易推又均勻。

 

一點一推,已經完成成個眼影部分,望落非常有層次。

唔講應該以為用三色眼影Blend出黎。

 

之後直接用啡色眼線筆畫返上下眼線,加強返眼神。

 

GLOSS VOLUPTÉ 魅惑唇彩 N154 Rose Denim
推出左兩款全新夏日色調唇彩,手上係Rose Denim淡淡既粉紅色,好似黎明色彩折射散發出黎既華麗金屬光芒。


特別既掃頭設計用起黎得心應手,無論係勾畫唇山線條,定係大範圍豐唇都可以控制自如,打造全方位3-D立體妝效,吸睛度極高。

加上淡淡既香味,真係好難唔心動。

LA LAQUE COUTURE 限量版幻魅甲油 N72 Night Escape

深沉、暗黑的藍調,如同沙漠的夜色。無邊既夜晚點綴滿天繁星。

一向好少搽深色甲油,但呢隻靜搽上手就唔想卸,顏色高貴得黎好易Handle,望落光滑但摸起黎充滿質感,搽一層顏色已經夠哂厚實。

 

我知道我點扮都無性感既感覺,但我都好鐘意YSL Beauté 今次帶出隨性既感覺,簡單既顏色,以金屬感統一成個妝容,每一日出門都變得輕鬆,用更多時間享受自由既空氣:)

 

產品詳情請瀏覽 YSL 網頁: http://www.yslbeauty.com.hk/tc/

《註:此乃試用文,以上發表純屬blogger個人意見。》


Comments