21st April, 2016
Edit

當脫毛變成一種享受@Honeypot

相信試過脫毛既sis都唔會覺得脫毛係一種享受,唔好話享受,單係唸到個過程都覺得痛呀>.<

但Yandy今次就享受左一次近乎無痛既脫毛體驗。

 

唔係Laser,唔係彩光,今次試既係著名既巴西蜜蠟脫毛 (Brazilian waxing)。

Yandy公司鬼鬼多過人,之前傾計時發現佢地都唔選擇Laser,而揀Waxing,天然又享受過程,就好似幫肌膚做Facial咁。

 

但可惜Yandy有需要脫毛既部位都Laser哂,都無機會感受Waxing既分別。

 

不過早前入手左一堆介紹指,想戴黎影下相呃Like既時候先發現…

喂?!乜我成手都係毛!!!

平時都真係唔多覺,但一Close up就好礙眼,而且仲有輕微既倒生問題>.<

Laser手指毛都要幾千蚊,好似唔太著數,不如就試下Waxing啦XD

 

Honeypot係創辦人係歐洲旅行時一次不快既脫毛經歷,所以親自搞返間主打無痛既蜜蠟脫毛專門店,係新加坡、馬來西亞、印尼、泰國、香港都有分店,最近連蒙古都有Honeypot啦!

 

咁Yandy就緊係去位於中環既香港分店啦,地方唔算好大,但感覺精緻又Fancy,仲好有Fran Fran感添XD

 

每間房都配備左大光燈,技師會好仔細兼多角度咁確認無漏網之毛架。

Honeypot獨家品牌既蜜蠟脫毛配方係特別聘請左澳洲化學專家嚴格認證既,今次我用既就係Strawberry Kitty Wax,連個名都咁甜既。

 

Wax前技師先幫我清潔雙手兼抺上爽身粉,之後就將Strawberry Kitty Wax碌上手指毛到,D蜜蠟微暖得黎有少少黏黏地,稍微等幾秒就可以用類似化妝綿既布料,一下下幫我痴走D毛,過程快到黎唔切俾反應就已經完成左,痛?真係完全唔覺。

 

因應唔同既部位都會選用唔同既蜜蠟,如果脫比堅尼位的話,就會用下面個款蜜蠟,望落好Sweet,聞落都係咁Sweet架,搞到我心思思都想整理下迎接夏季添。

 

雖然毛毛無哂,但係都冇咁快放人既,Wax完緊係要呵護返啦,技師就幫我調配左個美白精華做Infusion離子脈衝,可以改善脫毛後色素沈澱既機會,機頭滑過雙手既感覺好似D肌膚彈下彈下咁,好似做緊手部按摩咁呀,仲可以白滑D,唔怪得之新加坡既Honeypot可以連續4年獲得當地最佳護理品牌獎項啦,廢話唔講太多,等你地自己黎親身Enjoy下啦。

 

完成後印走多餘既精華油,成個Wax就大功告成啦。

 

登登,而家戴新介指再Close up 都包你搵唔到毛毛:)

 

Bikini位做緊優惠,夏天黎之前真係要搵個時間試試佢XD

 

 

「產品及有關資料由品牌提供」


Comments