21st June, 2017
Edit

[簡太廚房] 自家制壽司~ 大人細路都愛吃!

記得以前細個果時唔可以成日出街食飯,
食日本野的機會仲好少添~
所以會同家人一齊係屋企整壽司食~!!
之後仲會帶返學校請同學仔食XD
都幾開心架~~
而家出街買仲方便過屋企整,
但!!! 今次特別為了自己同小朋友, 整左一大盤無刺身既熟壽司~~
因為大肚婆唔食得刺身架! 同埋又有少少怕街外唔乾淨~
想吃, 就自己在家整咯!
小朋友也吃得放心~~
材料都係好隨意~ 家中有咩就整咩~
自己喜歡什麼就放什麼~
我既FAVOUR就係:
急凍蟹柳
三文魚
雞蛋
青瓜
牛油果
肉鬆
蟹子
沙律醬
芝士碎
必需材料:
珍珠米
大片紫菜
壽司醋

預先準備:

煮好珍珠米, 尚溫熱時, 下壽司醋拌勻,
份量可以參考壽司醋的包裝, 每款都有少少不同的~
可以先試味, 不夠再加!

將雞蛋打發, 小火煎成一片片, 方便切條.
三文魚蒸熟, 起骨取肉.
急凍蟹柳, 焯熟.
其他材料, 有需要就切條.
竹簾可以去$12店買~ 好抵用! 或者日本城都有~
之後就放紫菜、飯、喜歡的材料~
捲捲捲就完成!!
一口氣做了好多XD
部分帶了回公司跟同事分享~
大家都說好耐無見過人親手整壽司了, 哈哈!
健康又安全的美味壽司, 丁丁都好喜歡喔!
也是大肚婆止癮的好方法~
* * * * * *
更多適合小朋友的食譜:

[簡太廚房] 雙色芒果杯 + 紫薯奶凍


Comments