21st June, 2017
Edit

[太古.食記] 大滿足的日本餐!新開張的饗和民~

太古呢一兩年變左好多,商場都大翻新~
今次我地又同埋吃貨情侶一齊食飯!
選了這間 -饗和民!
跟和民是同一集團來的,但食材更高級更有水準喔~
大家都知,太古人最喜歡同一時間開餐,
所以想來食都要早少少,咁就唔使點等位喇!
雖然佢地方都好大,座位都多,但客人真的太多了嘛,哈哈!
食物種類好多,大部分講得出既大路日本菜都有,
上至刺身壽司下至串燒定食拉麵火鍋,
一定有你的心頭好!
廢話少說,去相~
蒲燒鰻魚壽司卷 (半份, $53)
上面鰻魚好香口,火灸的面層仲帶點脆烤味~
下面就是青瓜玉子卷,味道不錯!
軟殻蟹牛油果壽司卷 ($98)
個人好喜歡的一款卷物~
牛油果夠清新,軟殻蟹炸得香脆,
兩者互相配合,可以一件又一件食唔停~~
鹽燒松葉蟹 ($198)
貴價海鮮,吃的就是鮮味!
不用太多調味,簡單鹽燒,加少少檸檬汁就行,
要是份量再多點更好!
蟹味豐富,肉質彈實,不錯!
北海道原條魷魚燒 ($78)
好香好好食!燒完唔會」鞋」口!
用了燒汁調味,魷魚香更出色,是下酒的好小食!
燒牛肉盛滿飯 ($138)
根本就是肉山一碗XD
七分熟的牛肉,拌上生雞蛋,加少少牛肉汁,嘩!
肉味香又軟,好好食!
鹿兒島和牛壽喜燒鍋 (大, $158 )
重頭戲而家先來喔~~~
這一鍋真的必食之選!
和牛雪花靚,份量不少,再加上新鮮蔬菜、壽喜燒濃湯,
超好吃~~
滾熟的和牛,加上蛋花,好正!
牛肉味比之前的牛肉飯更濃郁呢~
我地仲追加烏冬 ($28)
烏冬就普通啦,但混埋和牛一起滾煮,味道也是非常不錯!
豪華刺身盛合 ($328)
唔好問我點解最後先上刺身,我都想知⋯⋯ -_-
不過一上來,我地都心中歡呼了一下~!
擺盤好有心思之餘,刺身質素仲好高添~
左邊起:鮮魚刺身,起出來的刺身都好多片,味道新鮮!
蝦大大隻超甜美!
北寄貝、帆立貝、三文魚、吞拿魚都好出色~厚切鮮甜~
仲有個人最愛的海膽同三文魚子,一點腥味都沒有,超滿足!!!

* * * * * *

饗和民
地址: 太古康山道1-2號康怡廣場北座地下G7-G8號舖
電話: 2560 6852

* * * * * *


Comments