10th May, 2017
Edit

[泰國] 快速入貨補糧倉之選! (ゝ∀・)

是的, 對於一年去兩次泰國做野既人黎講(即係我呀..) , 泰國仍然好好買!!!!
根本我就是去不斷入貨補糧倉, 說的是零食之類啦~~~
其他的美容護膚、衫褲鞋襪… 今次工作時間太緊湊, 都沒買到!
要知道, 我每天收工後都要跟老闆客戶去吃個飯喔,
沒可能跟他們說, 我要去行商場行夜市吧!
哈哈哈!!

今次介紹比大家睇,
究竟有咩野買極都唔會厭的~~(ゝ∀・)
來看看回到家執行李出來的戰利品大合照吧!

小女真的好喜歡吃零食(〃∀〃)


▲人生不可缺少的零食 — 薯片!!!

左上, 厚坑紋, 仲要係pepper crab味道~~ 真係全泰國最好食既薯片!!!! 每次我都買好多包返來食! 一開就秒速食晒! 就連朋友上來的家吃過都讚不絕口~
右上, 只有泰國才買得到的lays brasil味!! 是係香草lover的必選薯片~
左下, 近來發現的好好吃粟米筒, 夠香夠脆!
右下, 老公很愛的蝦條, 個人就覺得都ok既, 比香港的更有蝦味, 但我還是比較喜歡薯片喔~
小老闆紫菜!! 要買這款包裝、同埋是辣味才好吃呀, 大大片, 一個ZIP入便有九張! 另外有一款是BOX size的~ 但入便是每一張紫菜都獨立包裝, 不太環保喔!
wasabi豆豆, 今次見到有max wasabi味! 立即買來試試, 但仲未開~~ 好想知係咪好勁~ haha!!
ENO 以羅果子鹽, 真係次次去我都第一時間買, 因為餐餐都好熱氣, 以羅果子鹽可以清煎炸, 刺激食物所帶來的熱氣!! 重點係勁平!! 幾蚊港幣就有一盒!! 一盒入便有5小包, 1包沖1杯水~ 超方便~~
▲ 士多啤梨乾、朱古力百力滋、香蕉味百力滋、POIFULL果汁軟糖
我全部都係放公司食架!! 細細件, 好岩做野做到悶時咬兩下~ HAHA!!

▲ 米粉, 泰國買既同香港買到既好唔同, 比較幼細同更有彈性! 好好食架!
小菜香料包, 雖然香港都有, 但係當地買, 仍然平既!
MAMA冬陰功杯麵, 本身有6個架…… 但有3個已經比我係酒店做左宵夜XDXD 好食! (但味精野唔健康, 小吃為妙! )

▲小小個人物品, BOOTS的嬰兒系列我成日都買! 今次有減價, 又買了爽身粉及蚊怕水~ 性價比好高架!
SOAP & GLORY的產品, 好多人都推薦架啦, 超少女心的包裝, 產品多樣化仲好香添! 但家中護膚品都多到氾濫, 唔敢再買, 只係因為自己唔記得帶body lotion…… 所以買了最最最細支既, HAHA!!!! 好用既!!!!
基本上, 所有野我都係酒店附近既BOOTS / 超市 / 便利店 買, 方便到癲線!
所以任何時候入倉都無問題~~~~
話埋比大家知, 我9月去時BOOTS好多野都買一送一, 抵到喊架!!
▲好好用椰子洗髮產品~
▲SOAP & GLORY都係買一送一!
▲ BOOTS唔同line既product都減價!
最後~~~~ 告訴大家一個小彩蛋~!
小女每次最尾買既一定係JO MALONE!!
因為係泰國機場既免稅專門店買, 差不多是全東南亞最平的!!!!!
想知幾錢, 有幾平, 有幾抵~
去我個FACEBOOK POST度睇啦~~ >> 點我點我~
最後……
小女真係好想去夜市行街, 好想去泰國係旅遊心態, 唔係工作呀!!!!!!!!。゚ヽ(゚´Д`)ノ゚。
* * * * * *

[出差系列] 拒絕素顏, 上機必帶物品分享! 外加LOCAL MARKET晚餐!

* * * * * *

Follow:

Comments