28th March, 2017
Edit

到名人飯堂「好酒好蔡」食個lunch,究竟有幾貴?

之前到「好酒好蔡」通常都是吃晚飯,到這裏午膳反而是第一次,跟晚飯一樣,不設點菜,餐牌由蔡師傅親自編訂,雖然比晚飯少了兩三味菜,但每一道出品,依然細心講究。

頭盤「一口脆」:簡單啲講,它就像芋泥獵肉 tempura, 由於師傅對油温掌握得好,所以不會有油味,建議食法:第一塊以原味進食,不點任何醬汁,可完全品嚐芋頭香味,第二塊就點酸酸甜甜的柑吉油,令整個食法有第二個感受,更襯托出一口脆的香口,與芋泥及臘肉的味道又出奇地配合。

主角「微麻燉參條」:去過「好酒好蔡」都知道蔡師傅最拿手就係整海參,他烹調海參已到出神入化的地步,而聽講蔡師傅的太太最喜歡吃的是酸辣湯,於是「微麻燉參條」便是結合了蔡師傅最拿手的海參及蔡師母最愛的酸辣湯,湯底加了微微的麻辣及南瓜,令味覺上增加了點點刺激的同時,南瓜的鮮甜又中和了酸辣的味道。對烹調海參甚有研究的蔡師傅,這次用上沒加工的海參,呈現天然狀態 ,而且吃海參益處多,能預防心血管病、增強人體免疫力、生血養血,手術患者最佳補品、含膠原蛋白能美容養顏及有海洋偉哥之稱。

配角「香煎沙尖魚 」:其實這味餸很簡單,但令人欣賞的,是蔡師傅的講究,他很注重食物的溫度,所以碟是溫暖的,餐具也是暖的,而且一上檯也要盡快食,因為他認為食物溫度回落會影響沙尖魚的味道,如果冰冷的餐具接觸到魚塊,也會影響食物的質素。

究竟到名人飯堂「好酒好蔡」食個lunch有幾貴?以「好酒好蔡」來講唔算貴,係平時晚飯大約¼的價錢,就以呢個lunch menu,大概$588 per head,如果想搵個優雅的地方食 business lunch,都係一個幾好嘅選擇。

 

午膳menu

特色暖胃湯

時令兩小碟

蟹肉炒飯

草莓牛奶摩絲

 


Comments