10th August, 2017
Edit

打通你任督二脈~ Yinensis 然淙養生文化館

按摩實在係人生一大享受
星期六放假,難得有老公睇住阿囡,我都偷閒去鬆一鬆先~
呢D偷返黎既時間,當然唔會好長
所以我近近地去左官塘工廠區既
Yinensis 然淙養生文化館
聽個名已經覺得好RELAX~
上到去,已經有一壼香香的花茶等緊我~
 一路嘆住花茶,一路填番少少個人資料
家下要慢活呀,填慢D,填慢D~HAHA
填完後,美容師就帶我入房換衫啦~
雖然房仔細細,但都設備齊全
有自家毛巾,儲物盒啦
仲鋪埋即棄紙,夠哂衛生干淨~~
今次我做既呢個TREATMENT 並唔係簡單的中式人手按摩
而且可以通經絡,去水腫,排毒的
檸檬西柚精油刮痧按摩
開始之前,美容師先檢查下我既身體邊度有毛病先
再針對性咁進行按摩
而唔係坊間合埋眼就黎個D 「揼骨妹」按摩
坐得多寫字樓,肩賻勞損就一定架啦~
美容師一摸就摸到我條脊骨有一節係突左出黎
而且全身既筋絡都拉得好緊~
美容師仲發現我腰間對落好多一粒粒白色
我一直以為係脂肪分佈不均或者突肥突瘦造成的
美容師話原來呢D就係氣血不通的現象
只要將身體的經絡打通番,血氣通番,呢D白色一點點就會無架啦~
美師容先幫我搽上檸檬及西柚既精油
呢2隻精油可以清潔肌膚,仲可以消除水腫及消脂,去橙皮紋
2隻精油都有很濃的維他命C,仲可以美白背部既暗瘡印添~
美容師一邊搽一邊幫我按摩,已經係一種超舒服既享受啦~
搽完後,美容師就拎出呢個好似竹筒的物體幫我刮痧了
以前既刮痧經驗就係 「痛」
通常都用塊片刮到起哂痧,尤其刮落骨位度,更加痛痛痛~
但今次呢個刮痧係勁舒服,勁舒服,勁舒服
我未試過,亦從來無諗過,原來刮痧都可以咁嘆~
美容師的竹筒其實用黎刮痧的養生罐
佢有少少熱,暖暖地咁~ 美容師用佢順住我既經絡黎按摩
開始時,我都FEEL到自己既經絡位好多結節,CLICK 下CLICK 下咁
但做到後期感覺已經順番好多,無咁多CLICK啦~
右邊身係做完刮痧,明顯地個背即刻扁平左,無左手邊咁腫
膞頭位既凹位就出現番呀~
之前我2邊腋窩位中間都有個雞蛋咁大既,凸左出黎既肉
我都無為意,仲以為係天生架添~
美容師話我知原來係因為經絡塞左, 先會腫到雞蛋咁大~@@
而右手邊的腋窩位推通左,個雞蛋即刻唔見左了~
點解我唔係成個背紅哂? 因為美容師會根據每個客人的情況
亦唔係一下子刮到全背紅就會好哂架
通經絡亦唔可以一下子就全通,要多做幾次,按部就班,直至將佢完全打通架~
做哂2邊身的疏通經絡後
就黎一個更加舒服的草球按摩
草球的熱力, 將西柚及檸檬精油滲透至全身, 有效吸收及發揮精油的作用, 加速新陳代謝

全程,我差D瞓著
草球的熱力散按落肩頸呢D極之爽呀
拉緊既筋都放鬆哂~
完成後,感覺自己好似重生咁呀
唔係講笑,真係有脫胎換骨既感覺
成個人好似卸下左千斤擔咁
兩邊膞頭位即刻超輕鬆
之前成日覺得個頭好重,條頸好攰
但完成療程後,已經唔再覺得頭重重啦~
真係行步路都快D呀~
回家時FEEL到突然熱血左
好似感覺到身體入面既血液循環番咁,成個人都變得好暖
手手腳腳都唔再凍冰冰咁~
直頭好似打通你任督二脈
以前後生好鐘意返大陸按摩
但按完後幾日,都會周身骨痛,好似俾人打左身咁
梗係啦,大陸個D妹妹仔下下用死力去按你D筋
仲唔越按越傷咩?
但做完呢個 檸檬西柚精油刮痧按摩後
一D都無周身酸痛
只係感覺成個人都鬆哂,身輕如燕
好似將一直拉緊既橡筋放鬆哂咁
美容師話夏天成日飲凍野,個人變得好濕重,最啱做呢個刮痧去濕
做完後幾日又真係覺得個人無咁濕重,夜晚都好瞓左,脷苔都無咁厚呀~
依家有試做價 HKD 168蚊/45分鐘呀
可選擇: 腿部/ 手臂 / 肚腩 / 背部
大家快D黎體驗下呢個咁正既按摩啦~
Yinensis 然淙養生文化館
觀塘新店
觀塘成業街6號泓富廣場10樓1008室
預約電話: 3152 2355
Whatsapp: 9713 1152

是次服務由公關公司提供
如要聯絡本人,請電郵至: smonkichi@hotmail.com

Comments