28th July, 2017
Edit

月光肌之練成~ i CELL x SMAS 納米黃金針

最近好流行D咩針,咩針
但對於怕打針既我,真係無咩膽試
但呢隻納米黃金針又係另一回事
上星期,係滂沱大雨下,我去左銅鑼灣試左呢隻
 
月光肌納米黃金針
喂喂喂,剛先話唔打針,家下又去試針?
NO NO NO, 呢枝針係唔同~
其實納米黃金針是一D極微細既針型載體,模仿醫學傳遞系統,
將黃金及天然植物成分傳送至真皮層
功效:
激活細胞再生
排毒淨化平衡游離肌
減少暗瘡形成及淡化暗瘡印
即時保濕美白趕走疲倦肌膚
佢係一種無痛無創就可以嫩膚再生既TREATMENT ~
美容師會先觀察我當日既皮膚狀況
按皮膚加入不同比例的黃金針,抗皺再生因子同亮白再生因子精華
即係幫你TAILOR MADE 一隻最適合你皮膚的精華黎做TREATMENT~
我當日既皮膚,當然係咩都唔掂
(經歷左幾個星期既學校叩門,真係身心疲累,皮膚又點會好呀)
於是美容師就以 1:1:1 的比例幫我溝出左當日用既精華啦~
(呢個TAILOR MADE 精華幾好,真係切合你自身的需要
而唔係盲目咁將野塞入你皮膚~)
而混合左2種生長因子高濃度精華液,仲可以促進纖維細胞增生及膠原蛋白
可以增強肌膚彈性 / 抑制色素過 / 減少皺紋形成
講左咁多都無用,行動最實際~
清潔左面部後,美容師就幫我將混合好既美容針精華搽上面, 再加以按摩~
其實呢個按摩既過程,黃金會生熱,之後就會釋放出負離子進入真皮層,
平衡肌膚內的正負離子
使皮膚組織由身體內部產生活化,這個現象稱為黃金賦活作用
美容師之前有講過可能會有少少吉吉地既感覺
因為美容針其實係一D超超超超細既針載體,所以搽上面或者會有D輕微既感覺
不過, 可能我面皮厚 (好聽D係角質厚啦) 一D感覺都無 ~
只係感到美容師溫柔的撫摸囉~HAHA
人手按完,都仲未夠啦~
呢個時候,就要加入無針破壁的緊膚儀
有左呢個緊膚儀的幫助,肌膚在脈衝電流的刺激下,就會打開一條運道
咁營養就可以經呢條通道直入到最底層皮膚
平時我地無加黃金針的話,就算用其他導入,精華都只係去到表皮底層
但加埋黃金針既威力,精華就可以直通無阻咁去到更深的基底層細胞啦~
首先美容師幫我敷上呢個
黃金幹細胞水光冰膜
黃具有强大的抗氧化和 抗發炎功效,能令肌膚白晳透徹,增添明亮感。
產品含有專利水光成份,能强化肌膚屏障、 即時和長效維持肌膚水份達120小時,
有助預防肌膚衰老。
內含野菊幹細胞癒傷組織萃取物,能對抗細胞老化,加强肌膚的防禦機制
凍膜涼涼地,比黃金針更溫和
就好似一PAT 無色無味既JELLY 搽落塊面咁~
之後就加埋緊膚儀既碌碌導入
美容師又同我講,如果有咩唔舒服就出聲
但個枝暖暖地既緊膚儀係塊面度碌下碌下,都不知幾舒服
直頭碌到唔想佢停添呀~
咁當然,係無可能啦~
因為我地要進入第三個步驟啦~~
呢個時候,通常都係MASK 出動既時候
不過今日,我唔止敷一個MASK, 而係打孖黎,2個MASK 一齊敷呀~
第一層,就係再次厚厚地敷上剛才做導入的黃金幹細胞水光冰膜
(堅係厚敷,好似唔使錢咁~@@)
之後,再係上面敷多個蠶絲面膜, 一次過消炎、修復、保濕、亮澤肌膚
登登登, 經過左黃金既洗禮後,真係成個人都唔同哂呀~
之前勁粗糙的皮膚即刻變得細緻左好多
凹凸感都即刻平滑哂
最重要係,之前既黑黑黃黃膚色一洗而去~
唔比較,我都唔知原來自己塊面咁鬼污糟架~
明明我已經日日係咁洗面架啦~@@
而另一邊仲勁,眼角的斑斑即時淡左成半呀~ 只剩番好輕微的印~
皮膚即時提亮左勁多~ 直頭好似甩左層皮咁呀~
「月光肌」 咪就係咁練成囉~
我知坊間都好多呢類提亮美白的TREATMENT, 好似水光槍呀,海藻矽針呀咁
雖然大家出黎既效果都差唔多
但唔好忘記,水光槍要經歷過無邊的痛楚
而海藻矽針更可能要忍受爆瘡的煎熬
但呢隻納米黃金針只係舒舒服服咁瞓係度,俾人按幾下,碌幾下,
再敷個DOUBLE MASK 就已經可以造出月光肌~
之後亦無任何爆瘡,敏感同不適
作為怕痛既我,當然要揀最舒服個隻啦~

以上療程由i Cell 提供
地址:香港銅鑼灣渣甸街25號⾦利隆中⼼17樓全層  電話(852) 2880 5318
如要聯絡本人,請電郵至: smonkichi@hotmail.com

Comments