24th July, 2017
Edit

只為米酒而來~ Outdark

今日去左厚福街飲食大樓H8的17樓
一開LIFE門,就被這個滿滿的鎖牆震撼了
韓國人似乎真係很喜愛這個玩意~
牆的另一邊,就係餐廳的範圍
除了那個鎖牆,還有滿天的星星陪伴你食飯~
那種韓式的浪漫紛然湧至~
浪漫的東西,又點會少左呢樣
毛公仔
還要係特大毛公仔~
呢隻,比人還要高的BEAR BEAR 熊
~絕對係呃LIKE位~
餐廳以新派韓食為主~
每樣份量看上去都很多的~
呢個超夢幻的粉紅色粒粒
其實係酸蘿蔔黎,味道酸酸甜甜,好好味~
點完菜,最快上的是呢個米酒
蘋果芒果米酒
HKD 125
呢個米酒拎上枱時都幾奇特,係成舊冰黎~

冰應該係新鮮果汁黎,店員幫我地將冰銼碎,混合米酒~
之後就變成了美口易入口的生果米酒
問過店員,米酒的酒精濃度同啤酒相約,都係AROUND 4.5%~
但入口只有鮮果的甜味,一點兒酒味都沒有
不愛酒精味的我非常愛喝~
而且因為有冰粒,超透心涼的一款夏日飲品~
整一大碗大約有 6-8碗呢D大飯碗,我地3個女孩子由頭飲到尾,
到最後冰溶了,酒精味也濃郁了~
這個米酒比較少見,很易入口,而且還有其他味道
希望再來可以把幾種味道也嚐遍~
芝士豬肋骨
HKD 322
有分原味的1隻辣椒同3隻辣椒選擇~
我地揀左1隻辣椒
整個菜上枱時都很有NOISE, 因為份量都幾大~ 場面很壯觀~
整個鐵盤分左幾個格,底放有一個GAS 爐
盤中央白色絲絲的,其實係芝士絲~
加熱後,芝士就會變成了一PAT PAT ~
呢個時候,待應就會幫我地開始將芝士捲住豬肋骨~
芝士豬肋骨就製成了~
豬肋骨有少少辣味,但普通成人應該都應付到~
芝士可以拉出長長的絲,不過芝士味略淡
芝士和豬肋骨混在一起,但味道似乎又唔太MIX 到~ 而且感覺較膩~ 食2塊已經投左降~
除左主角外,放在旁邊的配角都唔輸蝕~
其中一格就放了韓食必有的泡菜,泡菜是熟泡菜,味道很濃,辣度也不少~
紫菜飯團,紫菜好香,飯係軟軟綿綿的,很煙韌

另一邊的蛋餅,也是先加入漿即場做
但待應會幫我地反一反,唔使等到個底老哂,中間仲未熟~
仲有準備左菠蘿俾大家清一清味蕾添, 好細心呀~

炸雞有多種味道, 今次揀左甜辣炸雞
HKD  178

呢個成座山既,就係我地既炸雞啦~
除左主角外,仲有薯條,薯格添~

炸雞炸得唔錯,細細舊,無骨,皮很薄,亦脆~
肉亦很嫩滑~

每人都有這個四小味~ 就係不同味道的韓式醬
有燒汁,芥末,甜酸和柚子~用黎點炸雞
但我地既甜酸炸雞已經好夠味~ 所以都唔使再加呢D醬
反而用呢D醬薯條同著格都唔錯~
基本上,食物都幾大份同溜,我地3個女仔都食唔哂~
題外話:
– 7-8點為繁忙時間
– 用餐時間 1.5小時
– 8點後有折,更優惠
Outdark
尖沙咀厚福街8號H8 17樓
如要聯絡本人,請電郵至: smonkichi@hotmail.com

Comments