12th July, 2017
Edit

韓國直送的平民中女新竉~ GOBDIGOUN

大家對韓牌的感覺,係咪價錢平,啱妹妹仔
一係就貴到離地貴婦級咁
但其實韓牌都有D中價既護膚品
不論價錢, 功效都好啱平民我呢D平民中女的~

GOBDIGOUN 
高美高允
 
呢個唔識讀,又好陌生既名,其實近年係韓國,台灣都靜靜地冒起了
其實佢係屬於LG 旗下的一個品牌, 佢既EYE PATCH 同MASK 已經賣到成行成市呀~
我地係香港網上落單,真係由韓國直飛你到你手上架~
絕對係無花無假的韓國直送
今日我就要試一試佢新出山羊乳系列以及2款調色霜~
全效修護山羊乳爽膚水/ 乳面霜
 
牛奶做護膚品就試得多,估唔到羊奶都功效都咁勁,羊奶中豐富的表皮細胞生長因子,可養顏、細白皮膚
預防皮膚粗糙、乾燥角質化
而GOBDIGOUN 採取天然澳洲羊奶成份,在韓國加工
全效修護羊奶乳爽膚水 
HKD$328 100ml
成份除左山羊奶,仲有Vitamin B3, 燕麥萃取,花萃取等,成份以天然為主~
爽膚水係透明既水狀,有淡淡的清新花香~
倒係手,好快就流走了~
見佢質感咁稀,以為都係屬於清爽型~ 一搽就無左個~
點知搽上面後,係FEEL有滋潤感架~~少少痴但又多多潤 ~
皮膚都即刻軟綿綿左~
韓國人有套特別的護膚方法 「7水法」 就是塗7次化妝水, 但當然,都要睇番你皮膚
油性膚質: 2次
普通膚質: 4次
乾性膚質: 7次
配合埋全效修護羊奶乳爽膚水,就可以做到QQ的水潤皮膚啦~

搽爽膚水,可以用按壓的方法令皮膚吸收
唔好狂拍塊面呀 (電視教壞人的)

全效修護羊奶乳面霜 
HKD$300 100ml

產品除左含有羊奶外,仲有維他命C及白花萃取從牡丹木蘭花提取,帶來美白及提亮功效
仲特別加入牛油果油保濕精華,令肌膚達到水油平衡
剛唧出黎的乳液真係好似奶咁,同樣有淡淡的花香 (放心,唔係羊奶的羶味啦~)
但推開後,但發現乳液變成半透明,類似GEL狀咁~
質感好柔滑,搽完後,一路搽一路FEEL到皮膚變得好滑好SOFT ~
搽完後,感覺到潤而不油,KEEP 住用,面部皮膚無左粗糙感,變得好滑呀~
除左護膚品外,羊奶系列仲有呢個
全效修護羊奶調色面霜 HKD$244 50ml
同樣含有山羊奶脂肪酸及牛奶蛋白質萃取,能讓皮膚容易吸收,從而軟化真皮。
煙酰酸、維他命C、山谷裡的百合及木蘭花,有助提亮皮膚
另一款調色霜就係粉紅蝸牛調色潤膚霜
HKD$244 50ml
蝸牛黏液就是主要成份。可保持面部皮膚的水份和提亮皮膚光澤。
仲含有硫酸軟骨素保持面部的水份和提亮皮膚,令肌膚變得有光澤。
2種調色霜的質感都好似CREAM 咁~
羊奶調色霜明顯令皮膚更白淨透徹
而粉紅蝸牛調色霜就帶有閃閃的水潤光澤效果~
而最好既效果,就係將2者混合一齊用啦~XD
唔單止有美白的效果,仲可以打造水潤亮潤的皮膚~
搽上呢個底霜後,面部的皮膚水潤度極高
而且粉底亦更貼~ 可以令到底妝更持久,KEEP 住大半日都唔出油,唔溶妝架~
小小TIPS,搽左調色霜再搽粉底液,要用印的方法
如果用推既方法好易會將粉底液同調色霜推成一舊舊的~
我平時唔化妝,就咁用羊奶同蝸牛調色霜,再輕上一層碎粉,已經可以做到好自然的水潤亮肌效果
(當然,瑕疵要遮一遮啦~ )
GOBDIGOUN 的羊奶系列滋潤度好高
但又不含油份,唔會成面油淋淋
好啱我呢D輕熟肌
作為輕熟女的大家,以後用韓牌又多一個選揀啦~
GOBDIGOUN
以上產品由Gobdigoun提供

如要聯絡本人,請電郵至: smonkichi@hotmail.com

Comments