22nd June, 2017
Edit

街坊價的日式料理 ~ 宮葉 パフェ Miyaha

呢間鋪係我屋企樓下,睇住佢裝修,睇住佢開張
見到門面咁鬼靚,仲要食日本野,我估都要百百聲掛
上星期六落大雨,想阿囡有個好心情去面試
就帶佢去食餐好既再出發啦~
全店以木質傢俱為主,很有日式風味~
店子骨骨子子,干淨企理
就算當日落大雨,都無話又濕又污糟~

呢d橩,無椅背的,望落,令整間餐廳既空間感大好多
不過坐就麻麻啦 (無得挨~haha )
另一邊以2人枱為主,枱仔細細~
但係有背椅~ 可以挨下~haha

每張枱邊都可以拉出黎放餐具的,幾方便喎~
睇番餐牌價錢,估唔到,係咁抵食呀
直頭係food court 價錢呀
\
每個飯,都係50蚊加5蚊仲有野飲~
完全同我想像的好唔同呀
除左飯,仲要拉麵,日式小食
講緊都係幾十蚊既價錢~
拉麵都係5x – 60蚊
咖喱飯,全部49蚊~
真係茶記都要啦~
反而,甜品就正常價啦
4x – 5x 蚊度~ (同食個飯一樣) haha~
阿囡點的
叉燒拉麵~
HKD 52
賣相正常呀,同出面80-90蚊的一樣呀~
麵質有驚喜喎,有彈性,唔係食到成口粉個種~亦唔係硬到無朋友個隻~
叉燒,有三大塊~ 厚切
而且,我真係食到廣東叉燒既口感
但明明,佢個樣又好日本叉燒喎~~都幾盏鬼~
好想讚下個筍,係無渣,好嫩個隻~
有讚,亦有彈啦,
個糖心蛋呢,有點兒怪怪
色澤,糖心偏黃的,有少許過熟
蛋白部份仲未醃得入味,而且,有少少酒既味道~
好似未醃夠時間既感覺~
湯底方面,其實都幾濃,用黎食麵無問題
但齋飲就真係唔得啦~  所以, 唔可以好似日本人咁飲埋個湯囉~
是日待應姐姐一直都無送水上黎
又食到有D口渴,加左5蚊要左可樂~
估唔到,  5蚊,竟然有罐裝可樂呀,真係夠重本的~
因為價錢比想像中平左好多
話明鼓勵下阿囡嘛,當然要叫個甜品先有力量~
阿囡最愛的
士多啤梨乳酪芭菲~
HKD 48
份量,好大杯呀,係平時凍飲杯再加幾層乳酪
乳酪,寫明係北海道3.6牛奶整
酸酸甜甜的,好清新,比雪糕好味呀~
士多啤梨雪過的,最好係唔太酸~
下面加有一D脆脆米,混埋乳酪食,又軟又脆的,很過癮
更過癮是的,最底竟然會有士多啤梨爆珠係底
真係好新奇的配搭~
基本上,我同阿囡2個都食唔哂成杯雪糕,真係大件夾抵食~
唯一要彈的,就係同實物同相片真係差好遠~@@
無疑,實物既乳酪係多好多,而且仲多左脆脆米同爆珠~
不過,攞上黎個刻都真係打左個突~
如果唔睇番張相,個甜品都係好味的~HAHA
官塘最近多左好多OFFICE, 我知工廠區入面既新開餐廳都唔係平
工廠大廈食堂又坐得唔舒服,污污糟糟咁~
如果想坐得舒服D,又平平地
不妨過條馬路黎呢度食個LUNCH呀~
唔記得講,呢度仲要係免加一架~
係咪好抵呢~
因為呢一餐的獎勵,我囡囡當日表現超水準
呢一餐,都應該功不可抹~HAHA
宮葉 パフェ
Miyaha
觀塘牛頭角道345號地舖
如要聯絡本人,請電郵至: smonkichi@hotmail.com

Comments