15th June, 2017
Edit

二百幾的日式放題大滿足~ 伊賀日本燒肉料理

在赫德道轉彎位起了整幢玻璃牆的食肆
但一直都未幫襯過
有個朋友話要任食甜蝦,另一個又話要燒肉
於是揀左呢間~
說真的,這個門口真不好找,就算看到整幢食肆,
但找門口搭電梯還是要花一些時間
簡簡單單兩個價錢~ 任食120分鐘~
係樓下望上黎,都唔覺呢度咁大~
全層隔開卡位,卡位又夠高,夠哂闊落,又有私隱度
這裏用IPAD 點菜的~
先進又環保,落錯單機會又少D
種類方面由前菜,燒肉,壽司,刺身,以及炸物都有~
枱上面放左幾種調味粉,可以燒肉時加落去呀~
當然,仲有燒汁同食刺身既豉油,都可以自己斟~
如果你仲想要其他調味,無問題,仲有好多選擇添~ 好細心呀~
每4位,就會送一個活魚刺身
老實講,淨係食呢個活魚刺身都值回票值啦~
自己去食日本野,真係好少會ORDER 活魚刺身囉 (實在唔平)
而且,仲唔係得幾塊,真係好多,成條魚架~ 無呃人呢~
燒肉方便,呢度既選擇都好多
牛都有牛粒,安格斯牛,牛肋骨~~
仲有一個好得意既伯爵茶漬羊片 (最左手邊個個)
肉類處理得幾好,唔會隻隻肉都一樣味
當然唔會霉霉爛爛啦~
細細件,易燒之餘又可試多幾款~
雞泡魚乾都有得燒呀,不過唔好燒太耐,唔係會變左雞泡魚柴~HAHA
牛舌黎講太厚難熟又韌,太薄又唔夠爽口
呢度既牛舌好得,厚度適中,又無根,食起上黎爽爽又彈牙~
海鮮方面點左呢2個貝殼類代表
QQ聖子, 真係好Q呀,只有手指頭大隻~
另一個活蜆, 即係咩蜆 ? ~ 似沙白~
兩個海鮮代表都好爭氣,肥美飽滿~
食落真係好新鮮, 睇住佢自動彈開,好治癒架~
食咁多肉,要食番D菜中和下
平時呢D任食餐廳,D沙律都係求其到爆,所以無咩人食
但呢度既沙律真係要讚下~
唔係馬虎幾條菜,而且個味仲真係調過,甜甜酸酸的,開胃又惹味~
另一款麻醬沙律,又係另一種感覺
用黎配肉一齊食,特別開胃消滯~
刺身方面,當然要大量點朋友指定既甜蝦
呢度既甜蝦都好隻下~
 
我就點左我愛的帶子,榮螺刺身,彷鮑片同北寄貝~
每樣都合格啦~
因為太鐘意,又黎多客甜蝦~ (佢一個人食哂呀) @@
三文魚反而感覺麻麻,望落亦唔算好肥美個種~
可能因為那個色澤既關係~@@
壽司方面點左幾款(唔敢點太多)
水準合格但未算有好多驚喜~
最得意係那個辣苿櫻花蝦軍艦~
櫻花蝦原來係蝦乾仔,脆脆的,加上少少辣的醬,不錯的新嘗試~
加30蚊可以任飲無酒精飲品
粒粒菠蘿同粒粒芒果
入面真係有粒粒的,幾得意~
另外有2款茶
菊花菜同蜜桃茶
前者有D藥水怪味,後者有點兒偏甜,但味道正常的~
最後,來個甜品大滿足,每人一個MOVENPICK
(不是任食呀)
每次食放題,最尾見到呢個牌子,CP 值感覺高很多,有同感嗎?
平時食放題,總感覺食得太少,有蝕既感覺
今次呢個放題,來一個活魚刺身已感覺賺了
加上食物質素中上,係可推介的放題呀
註:員工們如果親切D,客人會食得更開心D ~
伊賀日本燒肉料理
尖沙咀赫德道4號The Hart 3樓
如要聯絡本人,請電郵至: smonkichi@hotmail.com

Comments