24th May, 2017
Edit

換季小貼示~ Yellow box 好幫手

雖然未食五月糉,但香港天氣已經熱得交關
基本上,寒衣都無咩機會可以再著架啦~
每年換季,都超級頭痛,尤其係冬天衫換夏天衫
因為D冬天衫,被呀,又厚又大件
超級阻地方,香港人寸金呎土,真係無咩地方可以放得哂囉~ 你估個個都有個迷你倉係屋企咩~
而且冬天衫好多時都好厚,特別易發霉, 自己屋企又會濕又會潮~
有時過左成年攞番出黎,會成陣蹹味添~

當然,收藏冬天衫都有少少竅門架~
首先,所有衫係收藏之前都一定要洗乾淨
不論係褸/冷衫,定外套 (有D人既外套真係著成季都唔洗的呀~@@
洗完後,最好當然係曬下佢啦
咁我都明,香港地,唔係個個有地方曬衫架嘛
咁就可以放係通風既地方吹到乾爽哂先好收呀
最好睇左天氣報告,落雨個幾日就唔好洗衫住啦,費事越放越濕,放到成陣味~
被的話,當然都要洗過曬過先好收啦~
我屋企就特登買一D可放入機洗既被芯,方便自己係屋企洗
但一D 羽絨被呀,羊毛被呀,就未必可以入機洗,咁就要拎出街乾洗左先啦~
至於皮褸的話,可以用皮褸專用的油黎拭抺,又或者用屋企好耐無用的LOTION 黎抺下都得
抹完,記得都要吹乾先好收藏呀~
除此以外,收藏衣服都有少少竅門架~
最同一厚度既衫放埋一齊~

咁到秋天時,就可以拎番呢D薄褸出黎著先,厚褸,等到真係凍先拎出黎~咁又唔使一下子全部換哂季啦~
你知家下香港既天氣幾反覆啦~ 分分鐘12月仲著緊呢D薄褸咋~

收藏時,可以放入呢D收縮袋度
將D衫壓縮到最扁、省空間,真空也可以杜絕塵埃。
但年年都做2次,真係好煩,加上有左小朋友後,唔知點解間屋變得越黎越細,
好似已經無咩位再放野咁
呢度,只係我自己既其中一袋冬天衫呀,仲未計褸啦,被啦,仲有阿媽,老公,阿囡…..
真係諗起都好頭痛~
最近發現依家有個叫 BIG YELLOW BOX 的自存倉服務就可以解決換季的煩惱
呢個自存倉服務,其實就係向YELLOW BOX 租一個箱,放滿後,將個箱放係BIG YELLOW BOX 的倉庫內~
 BIG YELLOW BOX 有唔同既箱呎吋,可以應對番你的收藏數量而收費~
當然,除左呢d SIZE,仲要一D特別要求的箱,可以上網睇睇
而每個箱上面仲特有一個QR CODE, 我地可以將箱既內容先影左相,再放上BIG YELLOW BOX 的網站
到時就可以憑QR CODE 同相片,搵番自己想攞出黎個箱物品,唔使下下都要去估~
換季方面,BIG YELLOW BOX 提供真空收納袋
縮少收納空間,隔絕空氣和塵埃,減少物品受潮發霉的機會。
再加上倉庫設有空調系統,保持空氣流通及乾爽,可以防止霉菌滋生。
至於大家好開心的安全問題啦喎~
其實BIG YELLOW BOX 的倉庫同以前迷你倉個D好唔同,佢係唔容許非BIG YELLOW BOX 員工出入倉庫。
而且設有全天候攝錄監及ADT。倉庫設有有空調系統,安裝及配備消防火警鐘、自動灑水系統及消防喉轆,並且運作正常。
而且堅決拒收任何違禁品,如危險品、易燃物品、非法物品及易腐物品等。運輸團隊有權在收取物品過程中拒收任何類別的違禁品。
咁你會問,唔入得,咁點攞野呀?
BIG YELLOW BOX 特別設置獨立取件室,以供客人預約到倉取件。
客人也可選擇BIG YELLOW BOX 的運送服務,為您提供取箱、送箱的一條龍服務,輕鬆儲存您的物件!
4月,10月換季時間仲會送運輸服務架
YELLOW BOX 的倉庫係荃灣,葵涌,官塘,火炭區都就黎開啦,梗有一個方便到你~
依家香港既呎價真係呎呎甘,想屋企闊落D,住得舒服D
適當地運用下呢D上門迷你箱服務,唔使咩都堆哂係屋,搞到好似住籠屋咁
雖然大家都係住蝸居,但識得搵BIG YELLOW BOX 幫手
隨時蝸居都變豪宅呀~

BIG Yellow Box:http://yellowbox.com.hk/
如要聯絡本人,請電郵至: smonkichi@hotmail.com

Comments