15th May, 2017
Edit

CUTIE,好玩韓式二人燒~ Kim’s Spoon

約了朋友在荃灣的南豐中心行街,同埋特登呢度食野~
呢間佈置得咁韓風的餐廳,當然就係食韓食啦~
就連韓國食品都有得賣架~
成個餐廳都用自然的落地玻璃採光,感覺好開揚~
枱上一早就放滿水,杯同碗,方便大家,唔使下下叫人拎,幾好~XD
呢度既韓食都唔少,有傳統泡菜年糕到創新炸雞韓食都有~
至於我今日黎,就係為左呢個咁可愛的韓式二人餐~
HKD 288
超大的一份,一上枱已經佔左半張四人枱~HAHA

阿囡見到已經嘩嘩嘩啦~
由左邊開始,放左四種不同配料同醬~
開頭見佢造型咁CUITE, 個韓式辣醬都應該無料到
但估唔到竟然辣得好夠勁,仲幾惹味添~
呢個係美國扁胛翼板牛肉,其實,我都唔太清楚係邊一部份~XD

但見佢唔算切得好薄,而且肉質偏瘦~無咩肥肉~
煎幾煎已經好快熟 (七成熟就食得架啦)
牛肉有幾濃的肉味,幾有O趙頭,唔會淋PAT PAT ~
呢PAT 咁既CREAM , 開頭以為係甜品~
但店員叫我地最好先食呢個,吓,一開始就食甜品?

搞錯了,呢個,原來係韓式年糕黎~
第一層係CREAM, 第二層係韓式辣年糕,第三層係CARBONARA 年糕~
開頭,都抱有少少懷疑既態度,又甜又辣,會唔會好奇怪?
不過,呢個年糕比想像中好食呀~
CREAM 其實唔甜,但增加左年糕的幼滑口感~很輕微的辣,但又唔會好膩
好新奇但又好味的配搭呀~
用上心型的盤裝甜辣炸雞,即刻靚哂~
炸雞真係用上了韓式的炸雞粉,外層係硬硬脆脆的,不是由求用麵包糠炸完就當係韓式~
味道帶甜,唔太辣(不過小朋友食唔到)
不過因為有醬的關係,個外層搞到有少少淋左~
呢一盤呢,根本就係一個兒童餐~
同枱一個六歲, 一個一歲半都啱食~XD
除左有麵包,粟米沙律,餅干同薯條外
那個好可愛的公仔,其實係一個漢堡扒飯黎~XD
由芝士/漢堡扒/韓式泡菜炒飯組成
那個炒飯,雖然話係泡菜炒飯,但阿囡竟然食到,仲話好好味~HAHA
但個漢堡扒就真係麻麻,又硬又實又無味~ 建議換過塊M 記豬扒落去仲好~
那個飽呢,其實都好鬆軟,不過加上了剛才的牛油放落個鐵皮度燒一燒,就更加美味了~
即時變成搶手貨~
順帶一提,呢個爐真係幾好用,燒極都唔痴底,火力又夠~燒足成餐都得~
就算烤呢D瓜菜,都唔會燒到干爭爭的
這個2人餐包2杯飲品的~
朋友的士多啤梨乳酪沙冰,看著也覺得很清新呀~
我的那個,就更玩味了~
看到那個波板糖,囡囡2話不說就點了這個~
白色的是梳打水,2枝針筒內分別放了糖醬
就這樣混起來,紅+藍,就變成一杯紫色特飲了~
(又上了一堂美術堂呢)
這個2人餐真係很好玩,美味亦比預期中好
仲可以同小朋友一齊玩煮飯仔,大滿足呢~
Kim’s Spoon
荃灣青山公路荃灣段264-298號南豐中心2樓32C號舖
 
 
如要聯絡本人,請電郵至: smonkichi@hotmail.com

 


Comments