18th August, 2013
Edit

下次下次下次真係大概可以?

 

「食埋今次下次唔食」

「玩埋今次下次唔玩」

「下次一定會努力」

「下次一定俾心機」

「下次一定到」

「下次請食飯」

「下次叫埋你」

「下次先算啦」

 

問題一:
點解我地成日講下次?

其實真係唔怪得我地
只因【下次】呢兩個字實在太順口太實用

講左下次 咁今次就可以由得佢

講左下次 係咪真都唔使負責任
撞到識識地但又唔係好熟嘅講句「下次飲茶」
下次都唔知下次仲撞唔撞到,就算撞到都下之都唔會真係去左飲茶

因為大家都心知呢句下次唔係真係講緊下次

講左下次如果真係唔得咁咪再講下次

講完下下次如果都係做唔到都唔緊要 再講多次下次又係一條好漢

今次(____) 完講下次唔再(____) 下次(____)完再講下下次唔會再(____)
(可自行填充適用字詞)

講幾多次下次都絕對無問題

講到下下下下下下下下下下下下下下下下下下下下下下下下下下下下次之後
都仲可以講多幾次下次下次都無人阻到你

 

下次下次下次真係大概可以?
呢個係一個謎。

問題二:

全文共出現幾多次下次呢?
(答中而被抽中者下次請飲茶)


Comments