2nd August, 2012
Edit

你接受男士化妝上街嗎?

席上,大家討論男士化妝;男女朋友都一臉迷思,大家都有點疑惑;以下是男男女女們的意見分享:

「如果男士做化妝師既話,可以接受,係專業既表現!」

「都唔一定既,認識好多著名既男化妝師,唔見得佢地有化妝噃,而且亦無需要,係得既就得啦!」

「係米化左你唔知唔覺呀?化到似有還無,但係睇來皮膚同五官都好精緻,就好似天生麗質咁,呢D米係高手境界囉!」

「我接受唔到!如果係男友丈夫就更加no way!容咩易佢既化妝品仲多過我?將來又點同D仔女講爹D要化妝……仲有,要我等番佢??」

「我一定唔會!not my cup of tea!!」

「化全妝就no way喇,但係修眉我OK架!修左眉真係好好多!其實,我有畫眉架,你地睇唔出啫!」

「會被人看到自己好似怪人咁。」

「有人做,或者自己都會考慮。不過,都唔知點做好。」

「好難講,或者遲多幾年再流行D至考慮!」

「男人化妝…..唔出奇!以前有預言將來人類從個盒子可以看到世界,果真有電視機之後,就足不出戶可以看全球。呢個世界,其實無咩唔可能,無咩唔發生!以前都無女消房員,都無女的飛機維修員啦…..好多事,只係timing 問題。之所以有人認為「怪」或者「唔知點」感覺,只係大家習性問題;以前無人做或少人做的行為,到出現了,大家未慣,未必一下子接受。」

一向是女士專利的時尚化妝品界,近年添加了不少男性新力軍,成為時尚化妝品牌櫃位化妝師及銷售員,同時也會像女性beauty consultant一般,在自己臉上做好護膚及化妝來工作。亦有時裝界的男性服飾零售員,在臉上化了妝才工作,務求要由頭到腳,呈現恰如其份的裝扮造型。

這 些,都是經年累月演化出來的生活文化及形態了。記得八十年代尾,美容院出現為男賓服務的護膚療程,那時不易被接受及普及;當時,甚至現在,為了不想令參與 的女賓及男賓尷尬,美容院刻意為男士安排另一通道行進入房間;到九十年代開始出現男士護膚品牌,也經過好一段時間的「教育」。

近 幾年,男士化妝才開始萌芽。可能,一來是美容時尚業及日韓風的帶動,在日本韓國街頭,見化了妝的男仔,屬平常事。二來是多了不少全職或非全職性的表演者, 無論街頭歌舞表演、魔術、司儀等等,都挑起了男士化妝的考慮及需要;三來是社會風氣大不同,很多人都喜歡玩個性,接受能力也高得多了!所以,男士化妝,需 要多了,接受高了,風氣強了!大有愈燒愈熱的趨勢!

有理由相信,未來,男士修飾儀容及化妝會更普及,相信男士化妝品牌的發展也不會遠。


Comments