15th May, 2016
Edit

不妨萌一點! 萌 MOE by Nishimura

不妨萌一點! 萌 MOE by Nishimura

「萌」一字本為草木萌芽之意味;然而由於日文音同「燃」,漸引申指對某人物有燃燒的感覺(人物可愛的角度)

萌是比女神更高嘅境界,如果你間餐廳夠膽用」萌」泥做名,未嚟到已經對餐廳有燃燒嘅感覺!

萌位於中海日升中心的日式燒肉店,地方寛敞,空間感很大,而且還增設外賣部客人可以站立速食午餐。

設計根竹日本嘅潮流燒肉店,還有一個好大嘅雪櫃大家可以睇到裏邊嘅牛肉係幾咁靚嘅!呢度食飯仲有一個特色就係會有萌萌嘅店員為我地燒出美味燒肉!

未燒肉之前首先點啊啲前菜!


MOE薯蓉沙律 $56/一個
呢個咁可愛咁萌嘅薯仔沙律甜筒,價格係真係比較貴,要$56一個但係呢攞嚟呃like 就無得輸嘅!軟棉棉嘅薯蓉沙律配上脆口嘅甜筒!好食啊!

蕃茄果凍 $56


呢個番茄果凍係由新鮮蕃茄配上蘋果醋製成嘅果凍碎,食落去酸酸甜甜十分醒胃,凍冰冰,夏日清涼之選!

食完兩個前菜,開咗胃啦!就開始食我哋期待已久嘅燒烤。

係罪惡咁充斥之前首先用啲蔬菜打打底減輕悔疚感,

萌之森林 $68
多款唔同品種嘅新鮮日本蔬菜: 包括秋葵,菇,本菇,南瓜同甜薯BB 等等, 用牛油燒嘅本菇十分好食仲有清甜好味嘅甜薯BB都好吸引啊!

全枱女仔,就係爭d 男人,見到呢度餐牌裏面有個名字十分吸引嘅燒肉,當然一定要叫啦!


猛男磚頭 $108

切整正正方方嘅和牛肉粒燒落去十分juicy , 外面帶點燶,裡邊很多汁啊!


一人一舊已經極速被KO , 立即再點了個上肩胛 $108

叫咗呢兩個價錢比較平同實惠,牛肉質素都好好!呢個上肩肉牛味十足,很有口感,既然平價嘅質素都可以咁好好啦我哋就開始食貴嘅東西啦!

宮崎黑毛和牛上肋肉 $300
沖繩黑毛和牛上肋肉 $240

說真的要我分宮崎定係沖繩坦白講我真係訓唔出我只可以講呢兩個黑毛和牛上肋肉係正。值得食!

入口即溶嘅感覺,牛味香濃,有份十足!齒頰留香。呢四個形容詞已經足夠形容呢兩碟咁正嘅牛肉!

係呢一刻好想食返碗飯,永遠呢啲咁正同好食嘅牛肉,點少得來一碗飯來滿足我嘅肚呢?

萌牛丼 $38
日本米,飯素,紫菜,木魚絲以及溫泉蛋。混合配和牛滿足得很,飯大碗又好吃!

 

當食到咁好食嘅黑毛和牛之後,不夠喉心癢癢,再點左一個: 薄燒和牛 $108

這個同樣超級值得推薦!

入口溶火,牛味香濃,淨係燒嘅時候已經夠精彩!好味得很,比較貴但絕對值!

吃得很飽,就會想食甜品,講講吓我就話。哎呀我記得嗰陣時睇卡通片會有一啲鯛魚燒,原來呢一度都有㗎,仲可以將鯛魚燒喺火爐上面燒燶外層,食落更加日本地道啊!

強烈推薦紅豆雲呢拿鯛魚燒,味道很清,把剛才嘅牛肉都落格了!

說真的呢一度嘅食物價格唔係平但係質素十分之高尤其是沖繩宮崎和牛直情係一試難忘!萌呢個字,俾我哋燃燒嘅感覺,萌呢一間鋪頭都令我對日本燒肉充滿燃燒感!

萌 MOE by Nishimura
觀塘駿業街56號中海日升中心1樓A號舖

Contact me: zero_huipo@yahoo.com.hk


Comments