30th April, 2016
Edit

炙手可熱的銅鑼灣年輕人聚腳點 The Grill Room

炙手可熱的銅鑼灣年輕人聚腳點 The Grill Room

近期銅鑼灣開咗好多新嘅餐廳,現在最吸引我嘅係位於世貿隔離嘅新大廈,我知道裏邊有兩三間餐廳都十分之出色!係仲未有機會過去食飯之前,我嚟到另外一間好多朋友推薦嘅The Grill Room .

是日訂枱為九點鐘,但係呢嚟到都好爆喎!全部都係後生仔女,可能大家都喺度一路食飯一路傾下計啦!呢度嘅環境都幾舒服,設計開陽!

 

是日就點左個晚餐
包前菜, 主菜及甜品,晚飯時段做酒精類飲品買一送一,計落其實都幾抵架

 

先點左個巴拿馬火腿温泉旦配黑松露荀沙津

 


用上鹹香味十足嘅巴拿馬火腿,厚厚咁樣包住一隻美味嘅溫泉蛋,一鹹一淡嘅配搭,再配上炒過的新鮮蘆筍,簡單而且出色!唔怪之得台台都見到佢出現啦!

主菜叫左炭燒美國安格斯肉眼配薯泥雜菌

 


超級大快大概有12安士,十分厚身清楚睇到火爐烤過嘅網紋,肉質鮮嫩充滿牛味,不過略嫌脂肪比較多得滯!
配上呢個超級好食嘅薯蓉,做得十分之滑,而且有點點嘅松露香味!配合香濃嘅奶油質感同炒蘑菇!好好吃啊!

甜品叫左我至愛嘅朱古力布朗尼配法式馬卡龍


馬可龍十分之香脆好味配合雪糕和甜到剛好嘅朱古力Brownie,整個甜品十分平衡而且賣相很好!見到隔離枱一對情侶都食得好開心!

套餐買單只係需要300多元,十分抵食!價格合理分量十足,情侶檔我覺得可以叫一個套餐再叫多一個主菜已經好夠!要注意嘅事如果好似我呢啲比較易鼻敏感嘅人,最好唔好係太多人嘅晚飯時段去食,因為open kitchen 有點煙啊!

The Grill Room (銅鑼灣)
銅鑼灣駱克道459-461號The L. Square 5樓

《註:此乃試用文,以上發表純屬blogger個人意見。》


Comments