24th April, 2016
Edit

東達中心的回憶 AGE Cuisine Express

東達中心的回憶 AGE Cuisine Express

鰂魚涌東達中心對於我來講從來都不陌生,這裏有着我青葱初畢業工作的回憶,三年多嘅光景,在這裡學得不少,大概離開咗呢一棟大廈一年多了,就係呢五年嘅時間,呢一度由完全冇餐廳變咗好幾間餐廳,大概開業左三四年嘅AGE , 就係其中一間我十分之欣賞的!

 

我記得呢一度嘅午餐價錢好實惠大概60至70蚊,但係每一次12點幾鐘嘅時候就會爆曬人架啦,午餐時段嘅Pizza大到兩個人都食唔晒!而且品質亦都十分之好,絕對唔會因為佢係午餐而變得求其!所以以前喺呢度返工嘅時候都經常來食!

 

話就話我離開咗呢幢大廈,其實我只不過去左太古坊,而今次呢我來食咗晚飯,第一次食佢嘅晚飯餐牌,原來比午餐更加出色!

 

先點左兩個湯

特濃黑松露野菌忌廉湯


黑松露野菌忌廉湯十分濃郁美味,每一啖湯都帶有微小嘅蘑菇得,質感很好,十分欣賞上枱嘅溫度,唔會太熱唔會太凍,一個溫度啱啱好立即飲用而且更能夠令到佢嘅香味更突出!

法式龍蝦湯


最愛嘅龍蝦湯香濃得很,呢個龍蝦湯冇加入干邑,所以味道更集中,,配上蝦肉,十分好喝!

還點了前菜

白毛豬火腿配芝麻菜,


其實我唔知道西班牙有白毛豬,白毛豬同平時食嘅豬有咩分別呢?我都唔知道但係呢呢一個白毛豬火腿配芝麻菜沙律,就真係十分抵食,就是說白毛豬火腿大概20多片啦!而且質素亦很不錯,很甘香!如果呢一刻能夠配上一支紅酒,就真係很享受啊!

另外還有全鴨肝醬配多士


一盒四件, 用上100% 鴨肝醬, 下層附上多士,上邊就擺着芒果小粒,芒果襯托鴨肝醬同多士,更能帶出鴨肝醬嘅美味!呢個前菜同白毛豬火腿配芝麻菜一樣,十分抵食!值得叫啊!

 

Dry aged 安格斯西冷牛扒伴紅酒肉汁

 

這個係呢一度嘅招牌菜,dry aged 的安格斯肉味更特出,因為dry aged 的關係,就算只係五成熟,切時都唔會有血水,肉質也很好!而且脂肪分布平均,更感健康!

 

最後我們點了意式奶凍配藍莓汁

 

奶凍永遠是我點甜點的首選!奶香味濃,而且很滑溜!清甜得很!

是日晚餐消費$600, 價值很合理,質素也很高!相比附近康怡和太古城的餐廳更實惠,而且環境亦都十分舒適服務態度都很好!大家又來到太古附近不妨來試一試佢哋嘅晚餐!呢度都成為我再次到東達中心的一個好理由!說真的呢一間餐廳有好多同舊戰友的快樂回憶啊!

AGE Cuisine Express
鰂魚涌英皇道1065號東達中心 1104 B

Contact me: zero_huipo@yahoo.com.hk


Comments