22nd September, 2013
Edit

一輩子的事

英國一間個人健康護理公司訪問了2000名男女,發現兩成半人覺得維持美麗外貌和健康需要耗費財力,難以持之以恆;男士平均46歲便會放棄注重外表,女士就是59歲。結了婚的人,在婚後26個月就不再關心外貌與打扮。

 

所有調查結果,我都好同意。Keep住靚靚真是好花費心力咖,什麽少食多餐﹑多蔬菜少煎炸﹑定期做運動,少些恆心都唔得。

偶然我都會問,人生短短幾十年,點解要虐待自己,什麽都唔食得,就住就住。身材是好fit,可惜人生無曬樂趣。

平時工作都好忙啦,有時連睡覺時間都不夠,但都要抽時間做facial。花錢買各式護膚品更加不在話下,便貴的都要試,試了無蝕底,但其實有無效都不確定。

平時返工去街,人靠衣裝,花心思襯衫也是頭疼事。都有衝動移居外國,因爲他們對物質好似無甘著重,人著衫都隨意d,T恤短褲或乾濕褛,簡簡單單。

 

好啦,雖然我呻了好多,但是回歸現實,無論什麽年紀都好,都不能放棄自己。不單止是為自己負責,亦都是對伴侶負責。你都唔想他有貨不對版的感覺咖,你都想同他去街的時候,人家羡慕他有個甘完美的伴侶咖。keep住執好自己,邊個不想四五十歲的時候仲好似周慧敏?你都不想結了婚走了樣,老公變埋心咖?

 

外表保養是一輩子的事,是好辛苦!不過,做人,幾時話過容易咖?


Comments