10th August, 2013
Edit

老婆搭上攝影師

欣欣:

你好. 我和老婆結婚時, 搵JOR個婚禮攝影師幫我兩個影相.  結JOR婚之后, 個攝影師因為要交相俾我地, 都KEEP住同我老婆有聯落.  但結JOR婚半年, 我開始發覺個攝影師仲成日同我老婆互SEND SMS!

後來老婆同我嗌交, 仲搬埋出去住, 話有地方訓.  嬲尾俾我發現, 原來係個攝影師收留JOR佢!  我好HURT!  幾個月前, 老婆話要離婚, 佢話同我無SIDE感情, 覺得同攝影師才是真LOVE! 上個月, 我簽JOR紙. 

欣欣, 我好辛苦!  點解我GUM不幸?  我放唔低呀!

VINCENT上.

 

 

VINCENT, 看完你的來信, 真係要喊三聲!

首先, 我很同情你的遭遇.

一場完美的婚禮, 當然要有攝影師為你倆留下最美麗的記憶.

殊不知, 你招來了一隻狼.

這頭狼, 我相信, 從第一天看見你老婆, 已經生滋貓入眼, 對你女人好有興趣!

你卻蒙在鼓裡, 又俾錢人賺, 最後貼埋老婆給人家!

因此, 你是世上搞婚禮中最不幸的人, 同情你, 是應該的.

 

但是, 我也覺得你有點愚蠢.

從搵攝影師到後來老婆上埋那人的家睡, 你何以一點警惕也沒有?

是的, 要結婚了, 自然對太太信任有加, 明白的.

可是, 有些東西, 是寧緊莫鬆.

防人之心不可無嘛.

君不見, 一些結婚多年的人, 有兒有女了, 也經不起誘惑啦!

否則, 為何世上有這麼多的婚外情?

找攝影師, 除了考慮他的攝影技巧外; 我覺得, 選一個已婚的, 如果是樣衰的更佳!

無他, 因為拍攝期間, 他會動你老婆的肢體, 姿勢動作, 又爬高爬低攞位影你老婆最靚的一面嘛.

期間, 你有沒有發覺他有點問題? 

之後, 攝影師又會和你們傾交相整畫冊的事, 你又為何不直接叫他和你聯絡?

最後, 任由奸情發展.

你的愚昧, 縱容了他.

 

當然, 最大的問題, 是那個攝影師.

我覺得, 佢要搵食, 都可以搵遠D!

狡兔不吃窩邊草!

偏偏, 世上不少搵食男, 總是向女友身邊的女人埋手!

而更甚者, 他更是向新婚人妻埋手, 毀人婚姻!

搵自己客仔食, 以工作之便, 乘機混熟客人的新婚妻子, 大獻殷勤, 等待機會兩公婆嗌交, 然後乘虛而入, 是其搵食路數!

可能是, 你的太太, 已不是他的第一隻獵物了.

凡事, 總有底線;

這傢伙, 逾越得太多了!

 

不要怨自己老婆.

老實說, 都結婚了, 便要有抵抗得住外邊誘惑的能力.

哪個結了婚的人未被外人FLIRT過? 

關鍵是你懂得不再給機會人家, 斷其FLIRT路!

抵擋不住, 便是未有資格結婚, 索性玩多幾年才結吧.

只可以說, 你的老婆, 思想上根本未到結婚的階段.

就算她沒有遇上攝影師, 她日後也會遇到髮型師, 按摩師, 魔術師……

然後, 有一天, 和你說: 離婚吧. 我和那個師, 才是TRUE LOVE!

 

上路吧, 向前看.

他日, 你還有機會結婚的.

那時候, 你要MAKE SURE她是思想上READY結婚, 而非只是肉體上READY結婚的人.

人要痛過, 才長大.

不要說放不下那人那事,

套用一段說話:

人拿著一個茶杯不肯放, 但若往裡面倒熱水,

直到熱水溢出來, 人被燙到, 便鬆開了手.

痛了, 自然就會放下!

祝好!


Comments