2nd July, 2013
Edit

忘恩負義的男人

收到女讀者SANDY的來信, 內容如下:

‘您好! 唐突send呢封email俾您, 我有些事積壓在心入面, 冇朋友可以傾訴…..希望您當作給我一個空間發洩吧. 先謝謝您!

我有一個拍拖12年既男朋友, 男朋友身體唔好, 當年很多親朋好友反對、唔睇好, 但可能年少堅持, 我愛呢個男人…..

當初認識我男朋友, 佢剛巧失業, 生活潦倒. 我相信愛情係要付出, 唔可以計較回報. 假如我口袋有十蚊, 我會俾晒佢, 對佢係完全毫無保留!

過咗多年, 佢有穩定既工作, 穩定既生活, 我同佢既感情都一直穩定. 身邊朋友都結婚組織家庭, 我自己都渴望, 但當好友問及為什麼不結婚, 男朋友會說自己乜都冇, 唔好意思娶人地個女, 每次聽到, 我都不是味兒……生活改善後的你, 有錢買錶, 有錢買車, 只是冇錢結婚……

這兩年, 我經濟出了問題, 我發覺男朋友很擔心自己的錢.  以前他有關錢銀出入本來都是我去代辦的……但自從我經濟出問題後, 男朋友把我一直代他處理的提款咭收回, 說自行處理可以了. 我感覺到佢既不信任, 聽到後覺得很痛心…..

我好唔開心好唔開心, 經濟上出了問題, 不是因為我揮霍, 是家人的債務, 我要幫忙清還…..金錢問題, 我從未向男朋友求助, 佢亦從未提出協助…..

男朋友不止一次抱怨我經濟出了問題, 影响了他. 我跟他多年來都是AA制的, 雖然不是每餐飯賬單除二, 但一直是輪流付賬單的. 直到我經濟出問題後, 他抱怨每餐都要他付款, 他開支大了很多…….

我每天都過得很不開心, 經濟壓力很大…..我覺得男朋友只愛他自己…..從前我會說愛一個人, 付出後不能計較回報, 但今天我計較了….我有點大難臨頭各自飛的感覺.

我應該點做….’

 

看完了你的信, 很同情你的遭遇.

首先, 十二年的拍拖, 仍未結果, 本身便是一個問題.

有時候, 結婚是要一些激情及衝動才成事, 你和他, 12年了, 卻仍是拍拖, 即使人說要先開花才結果, 你們的花也是乾花吧!

 

其次, 我想說你是偉大的.

是的, 人人反對嘛, 他身體不好又失業, 你的親朋好友為你著想自然會唔睇好, 叫你死咗條心.

但感情呢D嘢, 係愈叫你去你愈唔去, 愈叫你唔好去你就愈去的!

是的, 雖千萬人反, 吾往矣, 好浪漫也.

神鵰俠侶中的楊過和小龍女, 因為是師徒關係, 備受世人反對, 他倆堅持走下去, 故成經典!

你因人反對, 和他一起, 是淒美的, 偉大的.

但中國人很聰明, 即使是以前君臣年代, 為人臣者都有所謂’呢個王帝扶唔扶得起’的考慮.

你和他十二年了, 應該已經了解他的性格, 你也應知道多年來你扶的這個男人是感恩重義還是忘恩負義的人.

不幸的是, 你到了最近兩年才發現, 他渾不是感恩的人.

 

其三, 你曾無限度地在財政上支持這個男人, 男的也像理所當然受之.

既然財產都共產了, 那麼便應該朝著結婚的方向進發.

君不見, 戀愛男女, 當計劃談婚論嫁時, 才有聯合儲錢的計劃.

你可能說: 是他說自己沒本事, 不想耽誤你.

但老實說吧, 你最初都掌握了財政大權, 何不在婚事上話下事?

和這個男人拍拖, 最後目的不外乎是想結婚, 男的若怕耽誤你, 不如拖都唔好拍啦, 一樣係耽誤姐!

結果, 現在耽了十二年了, 可憐呀!

 

我也不想騙你, 但你所說的那個男人, 似乎只當你是人生的水泡而已.

在他最潦倒時, 你和他在一起, 他當然’螺飯應’, 他接受了你的肉體, 照顧, 以及金錢.

到現在他有點錢了, 覺得好本事了, 而輪到你唔掂了, 他即與你劃清界線.

他完全抹煞了你十年的勞苦及付出, 因為他只計算自己為你的付出.

何其涼薄, 何其薄倖.

 

我不知你愛他有多深, 若果你愛他愛到到不能沒有他, 便忍吧!

他覺得自己有本事了, 多你一個女人吃飯花不了他多少錢, 頂多給他攞下口彩吧!

等到一朝, 他又潦倒了, 你又富起來了, 他便又變返當日的好男人, 在你身邊千依百順了.

你倆像一對冤家.

 

但如果你不是愛他那麼深的話, 我覺得你不如難開他.

中國人有句說話: 不受嗟來之食, 你何必受他的氣呢?

你如此顧家, 對所愛的人如此盡情, 上天很公平的, 一定會給你找個身體好兼真心愛你的人.

天道雖無常, 但是正理.  上天會答謝你對人的恩澤, 重重回報你.

離開他時, 記著, 粗略地和他計算你這十年曾為他付出多少錢, 減去這兩年他花在你身上的數額, 他既然如此本事, 便叫他還錢給你吧.

他既然和你計較, 你也不妨向他計較.

拿到幾多也好, 都可以花在你的家人上, 增值自己上, 總勝過白白給他!

然後, 瀟灑離開!

勿哭, 否則蝕埋淚水.

不要怨花了12年, 套用一句說話:

一世長流流, 總會愛上幾個人渣的.

祝好.


Comments