15th April, 2019
Edit

37歳中女無懼泳裝外拍!肚腩迫爆衫到成功減肥9磅!做機勁快減肥血涙史

夏天就到,今年係我第一年可以著泳衣而夠膽影相!!

由細到大個身型都屬於偏肥,近幾年工作壓力比較大,覺得自己肥胖問題越來越嚴重!成日都冇乜精神,好容易水腫,又易肥!

尤其金融成日睇住個市,香港收咗到美國開市,平時飲食唔定時。

一過咗30歲,發覺食乜嘢都好容易肥,尤其是如果過晚食即食麵、叮叮點心,第二日就會水腫得好犀利!

35歳開始,weight gain好似一發不可收拾!

最過分,係兩個月前竟然港鐵有人以為大肚同我讓座!

上年肥咗十幾磅,但係真係冇特別食多咗嘢,好似唔經唔覺間,肥膏同脂肪積聚得好犀利!

以前買落嗰啲衫,着唔落,唔啱着,我試盡塞入去嘅時候,竟然迫爆左粒鏤!

前排我屋企人同男朋友都覺得我肥得太過分,但係唔係我唔想減,係減唔到!

自己都上網搵過好多方法,例如唔食澱粉質,唔食甜品,夜晚唔食飯,間竭食禁食等等……但係,真係好難持續執行!我真係好肚餓!

試咗頭一個禮拜,第二個禮拜已經頂唔順……

我都去睇過醫生,醫生話冇乜特別問題,叫我自己節制到可以。大佬呀!點節制啊?有時肚餓係生理嘅問題!

之前試過幾個方法,真係唔多掂,做咩我屋企人話,可以試吓西藏汗蒸。

之前又耳仔軟,去咗汗蒸館,出完一身汗又好似輕鬆左啲,個人面色又好左,一個唔小心又買咗20格套票,減咗價都5千幾,但係我發現,每次去完做treatment之後,雖然即時感覺好似輕盈左,減嘅原來只係水份,只要一飲水,幫手即刻返嚟!其實係冇減肥效果!

第二日,減去嘅兩三磅,即刻反彈!根本係零效果!

點解同表姐食飯,佢好不猶豫咁同我講話,我真係肥咗好多!

喺香港做女人真係好辛苦,做女人又要減肥,又要纖體,又要美容,又要美甲,有時俾咗錢都唔一定有效果……

我表姐同我一樣,都係由細到大時肥肥地,但係佢自從離婚之後,呢幾年仲越嚟越靚!

細個嘅時候又唔覺佢咁靚!呢幾年真係越嚟越靚,老實講,我個心都有啲不是味兒,其實我同佢年紀真係差好少,佢大我一年,但係感覺上年輕我五至六年!

我問佢有冇去做醫學美容?佢就神神秘秘咁話係女人都想靚啦!

佢好多年前已經有做機美容、減肥,我對於醫學美容、做機減肥其實都幾抗拒!因為唔知有冇效果,最驚遇到啲美容院好hard sell!

我心諗呢個世界邊有咁着數,肯定係呃左你上去再sell你買呢樣買果樣啦。

不過我表姐話,女人過咗30歲再唔減,以後都好難減!身形只會越嚟越肥,體態只會越來越dum!我聽到都有啲不安!

(其實我屋企人都keep唔係好到)

佢介紹我,晏晝食生果(主要食蘋果、火龍果,配合檸檬水)減肥,即係唔食午餐,只食生果,夜晚就完全唔食。

個原理,就係盡量減少碳水化合物,分解自己脂肪先。

我之後試咗一個禮拜,減左5磅!呢個方法真係work嘅!

老老實實,其實夜晚都肚餓,但係為咗唔可以比自己再肥落去,就死頂!

之前肚腩迫爆嗰件衫,而家都着得落,勉勉強強啦。

之後表姐打嚟叫我去陪佢美容做機,我話唔好攪啦,費事俾人sell。佢話唔怕,同嗰度嗰啲治療師好熟,唔會sell。

我特登唔帶信用卡,EPS都唔帶!

都見面嗰日食完飯,先知原來我哋要做減肥機,要出中環!

山長水遠去到,先發現原來要去嗰個地方,唔係傳統美容院,十分之有外國牙醫、健康中心feel……似係一間靚嘅上等人診所,叫做Swiss Reju瑞士年輕管理中心。隔離係律師樓、上市公司office,感覺都幾上等幾high。

表姐一路做機嘅時候,我一路喺reception上網,期間,又冇人sell我,亦都冇人理我!

到我做機嘅時候,我已經表明同治療師講,我今日冇帶信用卡唔會考慮,佢哋亦都話冇所謂,可以試咗先。

做機個過程其實幾舒服,一啲都唔痛,佢攞一個好似吸盤嘅嘢,會有熱力發出,喺我重點想減嘅位置,即係我個肚腩,來回大概20分鐘!

舒服到差唔多瞓着,一啲痛嘅感覺都冇喎!

做完之後,再做紀錄,發現原來條腰減咗2cm (0.5吋)!

我自己都好震驚!因為我以為自己度錯位!

治療師同我講,肚腩脂肪溶化嘅過程已經開始!跟住落嚟嘅一兩個禮拜,脂肪會溶解成為一體化,隨着新陳代謝排出體外!

之後日子,熱光溶脂能量會繼續發揮效果!

Swiss Reju熱光溶脂個原理,其實係韓國最新嘅醫學美容技術,係高周波高能量射頻,配合負壓吸力,破壞脂肪組織,令到脂肪更加容易經過熱力溶解,再加上紅光光動力,加速細胞生長,令到整體線條提升改善,成個人都越嚟越靚!

我抄低左部減肥機個名,上網search過原來係韓國著名醫學美容儀器生產商嘅名牌產品,部機要六位數字!

之後佢哋就俾我睇成個療程,原來要做12個星期!就可以迅速減肥,效果減到可以輕輕鬆鬆減肥,只要呢個期間唔好亂食嘢,就可以輕鬆瘦,好似韓妹一樣咁瘦,做腰精!

我摸着自己個肚腩,的而且確係減到肥,而自己再用尺去度的確係減少咗腰圍,有一刻我都好心動!而且價錢真係唔貴,幾千蚊可以做10次!

喺美容中心,死都要扮窮!我同佢講話好窮,想再考慮吓,佢哋亦都好有禮貌好專業,即刻比我走。

我最後都冇join plan,佢哋就比我走啦!仲好好笑容,一般美容院唔買野都會黑面,佢哋完全冇喎,可能真係俾面表姐啦!

我就跟治療師建議,之後再做運動,加快溶解左嘅脂肪排出體外嘅速度!

做完機隔一個禮拜再度,減咗1.5 cm !

同埋成個人都精神左。

我再上榜記錄,之前捱餓超辛苦地絕食減肥,每日淨係食生果(火龍果)減肥,減左5磅,之後再做Swiss Reju「熱光溶脂」做機減肥,竟然都減左4-5磅幾!總共減咗九磅幾接近10磅!

頭果5磅,減得好辛苦!簡直好似入集中營一樣,日日都度日如年!之後做機減個5磅,減得好輕鬆!

我發覺真係做幾有用,減肥嘅效果,就算之後飲返水都唔會反彈,佢真係可以改善腰圍同埋體重。

我真係好希望可以繼續瘦落去啊,我嘅目標係-15磅。

我自己都心大心細,諗緊join唔join,話晒佢都係用靚機,真係減到(我自己一向唔信sell屎,自己上網check過Swiss Reju嘅熱光溶脂真係韓國高級醫學美容儀器,減肥好掂!)而且超輕鬆,一啲痛嘅感覺都冇,似熱石按摩多過做treatment!但係我等位嘅時候觀察,呢間中心主要做中環闊太、大陸金融富婆、model姐仔(撞到個乜乜、好熟面口但係噏唔出名嘅女artist),我唔算窮但比較呢個級數嘅闊太,我自己唔係特別高消費嘅人,唔知做落會唔會睇我唔起。

下次我會同大家share下我中醫減肥、同做空中瑜伽減肥嘅經歷。大家密切留意!


Comments