23rd March, 2016
Edit

睡眠瘦身法,一齊瞓住瘦!

醫學專家Friedman於1995年發現人體內有一種「肥胖基因(Obgene)」。「肥胖基因」係其中一項會影響我哋肥瘦嘅遺傳因素,佢主要負責掌管人體內一種名為「Leptin」嘅荷爾蒙。「Leptin」又名「瘦體素」,只係睇個名就知道,呢個荷爾蒙就係用來管理我哋嘅體重!

 

「瘦體素」=  食慾

「瘦體素」係由脂肪細胞製造出來,產生後,就會再經由血液循環到腦部,藉以抑制食慾,增加人體嘅代謝率同能量嘅消耗。

同時,當體內嘅脂肪量增加時,脂肪細胞隨即會自然釋放「瘦體素」,通知我哋嘅大腦要抑制食慾,咁樣咪可以減少脂肪嘅吸收囉!

 

市面上又可以買到呢隻神奇「瘦體素」嗎?

可惜時至今日,科學家仲未成功研製出可直接服用嘅「瘦體素」補充品。

若果你都係擔心體內「瘦體素」唔夠嘅話,我有一個既天然又經濟嘅方法介紹比你-就係瞓多啲啦

根據科學研究顯示,人類喺瞓覺時都會釋放出「瘦體素」-瞓得越多,「瘦體素」就越高;而瞓得較少嘅人,平均體重亦會相應較高。

只要連續兩晚睡眠不足(一連兩天,每晚只瞓得4小時)就會令「瘦體素」減少18%,相反,促進食慾嘅「生長素(Grehlin)」則會大幅增加28%。

「生長素」同樣係一種荷爾蒙,佢會促使人產生好想食高脂肪、高糖分食物嘅慾望,相比正常情況下,大概一天會令人多食350 – 500卡路里;如果每日多食500卡路里,只要一個星期嘅時間,體重就會上升 1磅![註:3500卡路里 = 1磅]

 

瞓住瘦掌握的3個睡眠重點

  1. 每晚至少要瞓7 – 9小時左右。
  1. 盡量喺晚上11點前瞓覺,可以幫助肝臟排毒,提升整體排毒功能。
  1. 瞓覺前最好保持空腹4小時,令腸胃喺瞓覺時都可以得到全面休息,第二朝起身都會精神啲!

 

 

如想獲得更多KEEP FIT資訊,歡迎大家瀏覽以下網站:https://www.facebook.com/healthconceptstore


Comments