17th March, 2016
Edit

你想靚足一年365日嗎?

你無覺得自己嘅皮膚質素時好時壞?有時又會無緣無故感到很沮喪,甚至覺得沒有人了解你嘅感受?你有無諗過原來自己變得情緒化嘅主要原因好大機會係同荷爾蒙有關呢!

荷爾蒙係會按生理周期而作出變化,喺不同嘅生理階段會分泌出不同嘅雌激素,既然呢個不變嘅定律,點鮮我哋唔好好運用呢個女性嘅特點,來調整個人嘅體重控制計劃!既可以有效地輕鬆減肥,還能訓練體內激素嘅正常分泌,從而令我哋得到身心平衡,達到整全健康嘅效果。

 

 

生理期Keep Fit 四部曲

第一期:月經期(月經開始後第1至7天)

生理表現:皮膚變得乾燥、敏感、毛孔變得粗大、抵抗力下降、容易感到疲倦、面色蒼白

心理表現:情緒低落、感到壓力好大。

加速Keep Fit 效果嘅方案:

  1. 多食一啲含鐵質嘅食物同能提高吸收鐵質嘅植物性蛋白。
  2. 不要食太鹹嘅食物,因會令水腫嘅情況更嚴重。
  3. 多食含鎂(如豆類及乳製品)及維他命B雜(如香蕉、糙米)嘅食品,讓新陳代謝變得更好。
  4. 多飲水,以補充失去嘅水份。
  5. 因身體已感到疲累,不宜做劇烈嘅運動或過度節食。
  6. 若想心情更輕鬆,可做一些伸展運動,包括瑜伽及普拉提(pilate)等

 

第二期:步入排卵期(月經後第7至14天) *這是減肥的高峰期,大家要好好把握呀!

生理表現:體內碳水化合物、脂肪、蛋白質嘅吸收和消耗開始加快。

心理表現:心情甚佳、感到好有活力、不抗拒多做運動。

加速Keep Fit效果嘅方案:

  1. 因心情愉快嘅關係,胃口一般都會較好,因此要更加小心選擇食物。
  2. 盡量避免高熱量、高脂肪嘅食物。
  3. 多食一啲容易消化同代謝嘅食物,如冬瓜、芹菜及涼瓜等,可加速減肥進度。
  4. 多做帶氧運動(如急步行、跑步、游泳、有助消耗熱量、減少出現浮腫嘅問題。)
  5. 若發現很難控制飲食,可嘗試每天做食物記錄,有利於修正不當嘅飲食行為。
  6. 多選擇植物性蛋白質,如乾豆或豆製食物,既有豐富纖維,又能增加飽肚感。

 

第三期:減肥平快期(月經後第14至21天)

生理表現:皮脂分泌增黑色素活化,可能會長暗瘡,肌膚狀態變得不穩定。

心理表現:心情可能變得情緒化,起伏較大—一時平靜,一時心急!

加速Keep Fit效果嘅方案:

  1. 仍然係減肥嘅有利時期,繼續努力啊!
  2. 多食高纖維嘅食物,如蔬果、全穀類、燕麥等食物,有助促進腸胃蠕動。
  3. 以合桃、腰果、杏仁等食物作小吃,堅果含豐富維他命B雜,有助調整月經及改善心情。
  4. 為了「迎接」月經嘅來臨,便要增強鐵質,可增加深綠色蔬菜的攝取量。
  5. 如果真係提唔起精神做運動,可嘗試早一個車站落車或多散步也有幫助。
  6. 利用休息日去進行戶外運動,如行山。帶氧運動有助提升脂肪和熱量嘅消耗。

 

第四期:月經前一星期(PMS期)

生理表現:身體會有浮腫現象、經痛、皮膚粗糙、易長暗瘡、容易感到疲倦。

心理表現:心情比較複雜、容易暴躁、感到煩惱、沮喪、容易生氣和易哭。

加速Keep Fit效果嘅方案:

  1. 忌食高鹹嘅精製食品,以免體內嘅鹽分同水分貯存過多,出現水腫嘅情況。
  2. 多食綠葉蔬菜及水果、多飲水(至少每天8杯),從而保持腸道健康。
  3. 容易食慾大增,因此需要維持均衡飲食,也必須戒掉所有脂肪、熱量、鹽分過高的零食及油炸食物。
  4. 若有腰腳酸痛、腹部或乳房脹痛嘅問題,便要多攝取維他命B1、B2嘅食物(如糙米、蕎麥)。
  5. 若有腹部疼痛嘅話,可吃維他命B雜豐富嘅食物及多飲熱飲。
  6. 多做瑜伽及伸展運動,有助促進血液循環,減少經痛及水腫的情況。

 

祝大家 KEEP FIT 成功!

 

如想獲得更多KEEP FIT資訊,歡迎大家瀏覽以下網站:https://www.facebook.com/healthconceptstore


Comments