10th March, 2016
Edit

下半身肥胖的秘密

近來正在修讀「中醫藥膳」課程,希望將中醫嘅概念,融入西方嘅營養學同飲食中,可以幫到更多不同年齡層嘅朋友!

而尋晚上堂就講解咗有關「濕重」嘅問題!真係好有用呀,因為講中咗我好多clients嘅問題!急不及待同大家分享吓!

大概不少朋友向中醫師求診時都聽過「濕重」、「脾虛」等字眼,呢類型體質的朋友,通常會成日覺得好攰,又容易出現水腫問題。

當你覺得自己有下身肥胖嘅情況,除咗有機會因脂肪積聚之外,好大可能係因為「虛胖水腫」而形成,就係因為「濕重」所引致。據中醫老師講,身體營養皆要經由脾胃吸收,如果吸收得唔好,氣血就會差,水向下沉,咁就會形成下半身水腫啦!

何謂「內濕」呢?

中醫學裡所指嘅「濕」,就係體內多餘嘅水分。

點先知自己係唔係濕重呢?

  • 大便:長期「便溏」,即係大便不成形,會粘喺廁盆內沖唔走;有啲朋友亦會有便祕嘅情況出現(隔2、3天排唔到便)。正常大便係應該呈金黃香腸形柱體,排出時通暢。
  • 舌頭:舌頭胖大,舌兩側有齒印痕,舌苔厚而黏膩。正常舌質應呈淡紅,有一重薄白苔,質潤。
  • 精神:濕重人士喺早上到咗應起身嘅時候仍然會覺得好攰,四肢沉重,提唔起勁。

濕重嘅改善方法

  • 凍飲會傷脾胃並加重內濕,尤其是啤酒,會令脾胃濕熱,所以大家一定要戒!
  • 寒涼食物包括西瓜、大白菜、沙律同魚生等,應盡量少食。
  • 很多人以為吃辣可以袪濕,其實辣反而會加重腸胃濕熱,所以更應避免。
  • 薑、蒜、蔥都有「和胃」作用,不妨多吃。
  • 濕氣亦可透過汗水揮發,故此可多在陽光下做輕鬆嘅帶氧運動,出吓汗係好的!
  • 夏天則宜減少涼冷氣。
  • 另外,中醫老師亦同我哋分享咗呢個袪濕食療:

簡易袪濕食譜-薏仁紅豆粥

材料:薏仁、紅豆各50克

做法:煲滾800ml水,放入薏仁和紅豆浸泡半小時,之後再煲半小時至綿口。

功效:紅豆具補血作用,且與薏仁皆同有健脾利水的功效,煲成粥可更易消化。

注意:因為薏仁性質偏涼,孕婦、女生來經時或體質太虛弱嘅朋友均不宜服用。

如果無時間煲粥的話,大家可以試吓呢個即沖有機薏米水 – 既可袪濕,味道仲有啲似咖啡 (但不含咖啡因的!)

如想獲得更多袪濕排毒資訊,歡迎大家瀏覽以下網站:https://www.facebook.com/healthconceptstore

 


Comments