31st January, 2014
Edit

孕婦脫髮救星

By Vigene 註冊營養師Tunice Cheung

剛才係個meeting break 到見到個同事, 佢一埋來就同我講: “ TUNICE!! 我好慘呀,呢排勁甩頭髮呀! 點算呀? 要救我呀!” 我話”等等,唔好咁慌張先,慢慢講,究竟咩事,又幾時起架?”

“TUNICE, 我剛剛生完4個月, 頭髮一直係咁甩, 以前都無, 真係好擔心, 會唔會以後都係咁架? 如果一直係咁,好快就禿頭, 我真係接受唔到囉! TUNICE, 究竟我發生咩事,我仲有無得救呀?”

其實我呢個同事所遇到嘅問題都好普遍, 大概40-50%女士都有機會出現呢個情形。 因為懷孕其間, 身體荷爾蒙會出現一定變化, 雌激素會赭加,令頭髮保持係生長模式,令脫髮情況進入靜止狀態,所以這刻的頭髮應該最為豐厚亮澤。 但當生完BB之後,身體荷爾蒙會漸漸回復正常水平, 頭髮就會進入番正常的生長及脫落模式。  所以在一般正常情況,媽媽生完BB第3、4個月時, 頭髮毛囊會自動更新, 這段期間脫髮情況比較多是正常的,可以算是脫髮的高峰期。 但各準媽媽又不用擔心, 因為這情境只屬短暫, 大概第6至12個月, 頭髮的生長脫髮模式便會回復正常。

除非女士有以下情況,影響雌激素平衡, 否則頭髮的生長脫髮模式很快回復正常。

·        停止使用任何避孕藥又或有關荷爾蒙的藥物
·        小產
·        墮胎
·        荷爾蒙失衡

其實要係懷孕同產後都KEEP 住一把健康秀髮的話, 都少不了你身體有無足夠營養。所以想KEEP住把健康秀髮,大家都可以跟隨以下的飲食建議。

髮”營”小貼士:

確保每日都有豐富的蔬果,提供大量抗氧化物質來促進頭髮生長。
攝取含豐富奧米加3魚油的食物, 如三文魚、牛油果、南瓜子及合桃等或補充品, 都可滋潤頭皮及頭髮。
身體不夠鋅就會引起甩頭髮、乾性頭皮等。所以飲食當中可加入含較多鋅的食物,如全穀麵包、果仁、雞蛋及牛肉等。
維他命A亦不可缺少,因為它可以保護頭皮,減少頭皮痕癢情況。食物方面可選擇蕃薯、南瓜、紅蘿蔔、杏脯等。


Comments