17th December, 2011
Edit

「飲邊種酒無咁肥?」

「飲邊種酒無咁肥?」 — By Annie Lee


就算平時不喝酒,聖誕新年,同親友伴侶Gatherings, 一兩杯,好難避免。
Clients 最鍾意問的問題之一,是」飲酒肥唔肥?」 同 「飲邊種酒無咁肥?」
愛杯中物的朋友,當然希望得到的答案是 「飲酒不會引致肥胖,請放心飲用。」
可惜的是,酒精含高卡路里: 一克酒精含7卡路里,仲未計其他成份如麥,果汁,奶脂等。幾杯下肚,一樣容易致肥。
那麼,紅酒,白酒,啤酒,威士忌,雞尾酒,那一種最高卡路里呢?
其實,最重要是看飲用份量。
順次序的話,最低卡是一杯餐飲白酒,一杯餐飲紅酒,兩小杯 (shots) 威士忌加冰,一品脫 (pint) 啤酒,以及一杯雞尾酒。
其實紅白酒的卡路里都差不多,平均一杯約100卡路里,不過紅葡萄的果糖較白葡萄略高一點。
而一pint 啤酒,已經等於半碗飯的熱量,所以飲多兩pints, 全日的quota就已經用盡了。
威士忌加冰是一個不錯的選擇,如能控制在一小杯以下,加多啲冰,慢慢飲,其熱量大概只等於三份一碗飯。
近年酒吧及卡拉OK興飲威士忌/芝華士加綠茶,這樣飲法反而最易致肥。綠茶溝淡了酒精,不知不覺,容易喝多了; 而且大部份地方供應的都是蜂蜜綠茶,幾杯落肚,等於飲了幾杯糖水。
不過最要命的還是一眾雞尾酒,一杯閒閒地等於兩碗白飯。想知雞尾酒卡路里,以及如何令到雞尾酒 「健怡化」, 下次再談~~


Comments