25th December, 2010
Edit

亞洲遊戲展第二天: 宅女婚禮‧港男葬禮

亞洲遊戲展進入第二日,適逢聖誕佳節,去年遊戲展大獲好評的長青節目「角色扮演長門人」今年再度冧庄,於聖誕節上演史上最錯配之「PlayStation宅女婚禮‧港男葬禮」!


最美麗甘草演員余慕蓮是日以白雪公主造型,與應屆香港先生翟威廉配成一對;最溫柔甘草魯芬則以反傳統惹火Lolita女僕造型,與首屆香港先生高鈞賢一對,兩對新人出場時更有PlayStation girl灑花瓣,非常浪漫。



其後大會舉行爆笑求婚大作戰,兩男分別跪地作求婚狀,翟威廉即場抱起余慕蓮;可憐高鈞賢嚇得面容失色,最後奮力一抱仍告失敗,幸好翟威廉及余慕蓮及時出手相助,3人合力抱起200多磅的魯芬,有驚無險「抱得美人歸」。



浪漫過後,PlayStation安排了勁歌熱舞環節給兩對新人,大玩體感遊戲跳Lady Gaga名曲「Poker Face」,熱愛舞蹈的魯芬更表現投入,台前兩女送上飛吻予港男,活動完滿結束,台後應記者要求魯芬「勉強」咀高鈞賢頸項30秒,事後高鈞賢笑指:「我o既初吻比咗魯芬,錫女仔我試過,比女仔錫都係第一次,所以頭先有啲面紅。」魯芬則否認大會重金禮聘,「聖誕節做show特別開心,頭先跳舞仲可以減吓肥,最好每一季都搵我cosplay,扮脫衣女郎都ok。」 同場的余毛慘被魯芬搶鏡,她笑指:「我今次第三年嚟遊戲展,上年扮Lady Gaga,而家無咗EYT節目,我又鐘意扮鬼扮馬,嚟遊戲展就啱晒我。」


 


Comments